సోనియా గాంధీకి అస్వస్థత.. అర్ధరాత్రి ఎమర్జెన్సీ వార్డులో..
రాజకీయాల్లో ఎంతటి ధైర్యవంతుడైనా, అమ్మ ఆరోగ్యం అనగానే కరిగిపోయే సగటు కొడుకు మనసును లోక్సభ ప్రతిపక్ష నేత రాహుల్ గాంధీ చాటుకున్నారు. కాంగ్రెస్ పార్లమెంటరీ పార్టీ అధినేత్రి సోనియా గాంధీ అనారోగ్యంతో గురుగ్రామ్లోని మెదంత ఆసుపత్రిలో చేరారు. మంగళవారం రాత్రి 10:22 గంటలకు ఆమెను ఆసుపత్రికి తరలించగా, ప్రస్తుతం ఆమె ఆరోగ్య పరిస్థితి నిలకడగా ఉందని వైద్యులు వెల్లడించారు.
తన తల్లి అనారోగ్య వార్త తెలియగానే రాహుల్ గాంధీ తన కేరళ పర్యటనను తక్షణమే రద్దు చేసుకుని ఆసుపత్రికి చేరుకున్నారు. కొజికోడ్లో జరిగిన వర్చువల్ ర్యాలీలో ఆయన మాట్లాడుతూ ఎంతో భావోద్వేగానికి లోనయ్యారు. "నేను మీ మధ్య ఉండాలని అనుకున్నాను, కానీ నా తల్లి ఆసుపత్రిలో చేరిన వేళ ఒక కొడుకుగా ఆమె పక్కన ఉండటం నా బాధ్యత. ఆమె ఆరోగ్యం గురించి నేను చాలా ఆందోళన చెందాను" అని రాహుల్ పేర్కొన్నారు. ఈ క్లిష్ట సమయంలో కేరళకు చెందిన ఒక నర్సు ప్రతి గంటకు వచ్చి తన తల్లిని చూసుకోవడం తనకు ఎంతో ఓదార్పునిచ్చిందని ఆయన కృతజ్ఞతాపూర్వకంగా గుర్తుచేసుకున్నారు.
కొనసాగుతున్న వైద్య పరీక్షలు
సోనియా గాంధీ ప్రస్తుతం కడుపు సంబంధిత సమస్యతో పాటు, మూత్రనాళ ఇన్ఫెక్షన్లతో (Urinary tract infection) బాధపడుతున్నట్లు సమాచారం. ఈ మేరకు వైద్యులు ఆమెకు అదనపు పరీక్షలు నిర్వహిస్తున్నారు. వాస్తవానికి సోనియా గాంధీ గత కొంతకాలంగా అనారోగ్య సమస్యలతో సతమతమవుతున్నారు. ఈ ఏడాది మార్చి 24న జ్వరం, సిస్టమిక్ ఇన్ఫెక్షన్ కోసం ఢిల్లీలోని సర్ గంగారాం ఆసుపత్రిలో చికిత్స పొందారు. అలాగే గత ఏడాది జూన్ 7, 2025న షిమ్లాలో కూడా ఆమె ఆసుపత్రిలో చేరాల్సి వచ్చింది.
ప్రస్తుతం నిష్ణాతులైన వైద్య బృందం పర్యవేక్షణలో ఆమెకు చికిత్స అందుతోంది. తల్లి ఆరోగ్యం కుదుటపడే వరకు రాహుల్ గాంధీ ఆమెతోనే ఉండాలని నిర్ణయించుకోవడంతో కాంగ్రెస్ శ్రేణులు సోనియా గాంధీ త్వరగా కోలుకోవాలని ప్రార్థిస్తున్నాయి.
Click it and Unblock the Notifications
Sign in with Google