శుభవార్త: నగదు బదిలీపై ఛార్జీలను తగ్గించిన ఎస్‌బిఐ

ఎస్‌బిఐ నగదు బదిలీ ఛార్జీలను భారీగా తగ్గించింది. నేషనల్ ఎలక్ట్రానిక్ ఫండ్స్ ట్రాన్స్‌ఫర్ ( ఎన్ఈఎఫ్‌టి), రియల్ టైమ్ గ్రోస్ డెట్లెమెంట్ (ఆర్‌జిఎస్) ఛార్జీలు 75 శాతం వరకు తగ్గించినట్టు .

న్యూఢిల్లీ: ఎస్‌బిఐ నగదు బదిలీ ఛార్జీలను భారీగా తగ్గించింది. నేషనల్ ఎలక్ట్రానిక్ ఫండ్స్ ట్రాన్స్‌ఫర్ ( ఎన్ఈఎఫ్‌టి), రియల్ టైమ్ గ్రోస్ డెట్లెమెంట్ (ఆర్‌జిఎస్) ఛార్జీలు 75 శాతం వరకు తగ్గించినట్టు గురువారంనాడు ప్రకటించింది.

ఇంటర్నెట్ బ్యాంకింగ్, బ్యాంకు అందించే మొబైల్ బ్యాంకింగ్ సేవల ద్వారా జరిగే లావాదేవీలలో తగ్గిన ఛార్జీలు వర్తిస్తాయని బ్యాంకు ఓ ప్రకటనలో తెలిపింది. ఈ తగ్గింపు ధరలు జూలై 15 నుండి అమల్లోకి వస్తాయని తెలిపింది.

కేంద్ర ప్రభుత్వ డిజిటల్ ఎకానమీ సాధనలో ఇంటర్నెట్ బ్యాంకింగ్ , మొబైల్ బ్యాంకింగ్ సేవలను ప్రోత్సహించడానికి ఈ చర్య అని ఎస్‌బిఐ మేనేజింగ్ డైరెక్టర్ రాజనీష్‌కుమార్ ప్రకటించారు.

సవరించిన రేట్ల ప్రకారంగా నెఫ్ట్ లావాదేవీలకు రూ.10వేలవరకు రూ.2లకు బదులుగా, ఇకపై రూ.1 వసూలు చేయనున్నారు. రూ.10వేల నుండి లక్షరూపాయాలవరకు నగదు బదిలీపై ప్రస్తుతం వసూలుచేస్తోన్న లక్ష నుండి రెండులక్షలకు రూ. 12లకు బదులుగా రూ. 3లను వసూలు చేయనున్నారు.

ఇక ఆర్‌టీజీఎస్‌పై కూడ భారీగా ఛార్జీలను తగ్గించింది ఎస్‌బిఐ. రూ. లక్షల నుండి రూ. 5 లక్షల లావాదేవీలపై రూ.20 స్థానంలో ఇకనుండి రూ.5 వసూలు చేయనున్నారు. రూ.5 లక్షలకు పైగా నగదును బదిలీ చేయాలంటే రూ.40 చెల్లించాల్సి ఉంటుంది.

ఈ ఏడాది మార్చి31 నాటికి ఎస్‌బిఐ 3.27 కోట్ల ఇంటర్నెట్ బ్యాంకింగ్ వినియోగదారులున్నారు. దాదాపు 2 కోట్ల మొబైల్ బ్యాంకింగ్ వినియోగదారులు నమోదయ్యారు. చిన్న లావాదేవీలను ప్రోత్సహించడంతోపాటు, జిఎస్‌టి నేపథ్యంలో ఐఎంపీఎస్(ఇమ్మీడియేట్ పేమేంట్ సర్వీస్) లపై కొత్త చార్జీలను ఎస్‌బిఐ ప్రకటించింది.

రూ.1000లకు ఎలాంటి ఛార్జీలు లేకుండానే నగదును బదిలీ చేయనున్నారు. రూ.1000 నుండి రూ.1లక్షవరకు రూ. 5లతోపాటు రూ.5లు, జిఎస్‌టి, రూ.1 లక్ష నుండి రూ. 2 లక్షల నగదు బదిలీకి రూ.15లతోపాటు జిఎస్‌టి ఛార్జీలను వసూలు చేయనున్నారు.

English summary

India's largest bank the State Bank of India on Thursday said that it is reducing charges on NEFT and RTGS money transfers by up to 75%.