యోగి అడ్డాలో అరాచకం, దళితుల సామూహిక హత్య, హంతకుల ఇళ్లు బూడిద, ఏం జరిగింది ?

లక్నో/ఉత్తరప్రదేశ్: బీజేపీ అధికారంలో ఉన్న ఉత్తరప్రదేశ్ లో రోజురోజుకు దారుణాలు ఎక్కువగా జరుగుతున్నాయని వెలుగు చూస్తోంది. ఉత్తరప్రదేశ్ లోని కౌశాంబి జిల్లా హరిపూర్ పోలీస్ స్టేషన్ పరిధిలోని సందీపన్ ఘాట్ ప్రాంతంలో దళిత కుటుంబానికి చెందిన ముగ్గురు వ్యక్తులు హత్యకు గురైన దారుణ ఘటన గురువారం రాత్రి చోటుచేసుకుంది.

ఈ ఘటనతో విసిగిపోయిన స్థానికులు సంఘటనా స్థలానికి చేరుకుని దళిత కుటుంబానికి న్యాయం చేయాలంటూ నినాదాలు చేశారు. ఎలాంటి అవాంఛనీయ సంఘటనలు జరగకుండా ఆ ప్రదేశంలో గట్టి పోలీసు బందోబస్తు ఏర్పాటు చేశారు. ప్రాథమిక నివేదికల ప్రకారం ఆ ప్రాంతంలోని అనేక పోలీసు స్టేషన్ల నుండి పోలీసులలను సంఘటనా స్థలానికి పంపించారు.

ఇప్పటికే పలువురు సీనియర్ పోలీసు అధికారులు ఘటనాస్థలికి చేరుని పరిశీలించి వివరాలు సేకరించారు. దళితుల హత్యతో కోపోద్రిక్తులైన ప్రజలు ముగ్లురు ముస్లీంలను హత్యచేశారనే అనుమానితుల ఇళ్లకు నిప్పు పెట్టిన సంగతి తెలిసిందే. ఈ ఘటనను సీరియస్‌గా తీసుకున్న పోలీసులు నిందితుల కోసం గాలిస్తున్నారు.

ఈ విషయమై కౌశాంబి సూపరింటెండెంట్ ఆఫ్ పోలీస్ బ్రిజేష్ శ్రీవాస్తవ స్థానిక మీడియాతో మాట్లాడుతూ నలుగురు నిందితుల పేర్లు బయటకు వచ్చాయని, ఆ నలుగురు నిందితులు దాక్కున్నారని, వారి కోసం గాలిస్తున్నామని పోలీసు అధికారులు తెలిపారు. మొత్తం సమాచారాన్ని సేకరిస్తున్నామని ఈ కేసు దర్యాప్తు చేస్తున్న పోలీసు అధికారులు అంటున్నారు.

మరో ఘటనలో ఉత్తరప్రదేశ్‌లోని సుల్తాన్‌పూర్‌లో కూలి డబ్బులు డిమాండ్ చేసినందుకు దళిత వ్యక్తిని హత్య చేశారు. దారుణంగా కొట్టి చంపినట్లు బాధితుడి కుటుంబీకులు చెబుతున్నారు. మృతుడి కుటుంబానికి పోస్టుమార్టం నివేదిక అందలేదని ఆరోపణలు ఉన్నాయి. మృతుడు వినయ్ కుమార్ (18) నాలుగు రోజులుగా పని చేశాడు. ఆ తర్వాత నిందితుడు దిగ్విజయ్ యాదవ్‌ను జీతం అడిగారు. కుమార్‌కు డబ్బులు ఇవ్వకుండా యాదవ్‌ అతడిపై దాడి చేసి హత్య చేశాడని కుమార్ కుటుంబ సభ్యులు ఆరోపించారు.

English summary

Three Dalits were brutally killed, relatives who set fire to the house of the killers in Uttar Pradesh.