UPSC: సివిల్ సర్వీసెస్ ప్రిలిమినరీ పరీక్ష ఫలితాల విడుదల..

యూనియన్ పబ్లిక్ సర్వీస్ కమిషన్ (UPSC) సివిల్ సర్వీసెస్ ప్రిలిమినరీ పరీక్ష ఫలితాలను సోమవారం ప్రకటించింది. ఫలితాలు కమిషన్ వెబ్‌సైట్ upsc.gov.inలో తెలుసుకోవచ్చు. పరీక్షకు హాజరైన అభ్యర్థులు అధికారిక వెబ్‌సైట్‌ను సందర్శించడం ద్వారా వారు అర్హత సాధించారా లేదా అని తనిఖీ చేసుకోవచ్చు.వెబ్ సైట్ కు వెళ్లి'వాట్స్ న్యూ' ట్యాబ్‌కి వెళ్లి, CSE ప్రిలిమ్స్ ఫలితాల లింక్‌పై క్లిక్ చేయాలి. షార్ట్‌లిస్ట్ చేసిన అభ్యర్థుల రోల్ నంబర్‌లను కలిగి ఉన్న పీడీఎఫ్ ఓపెన్ అవుతుంది. భవిష్యత్తు సూచన కోసం ఒక కాపీని డౌన్‌లోడ్ చేసి ప్రింట్ చేసుకోవాలి.

UPSC సివిల్ సర్వీసెస్ (ప్రిలిమినరీ) పరీక్షలు 2024 దేశవ్యాప్తంగా జూన్ 16న నిర్వహించారు. 13.4 లక్షల మంది అభ్యర్థులు పరీక్షకు హాజరయ్యారు. ముఖ్యంగా జనరల్ స్టడీస్ పేపర్ 1, పేపర్ 2 కోసం రెండు షిఫ్ట్‌లలో మొత్తం 400 మార్కులకు పరీక్ష నిర్వహించారు. అన్ని ప్రశ్నలు ఆబ్జెక్టివ్-రకం నాలుగు ఎంపికలను కలిగి ఉంటాయి. అభ్యర్థులు ప్రతి ప్రశ్నకు సరైన లేదా సరైన సమాధానాన్ని ఎంచుకోవాలి.

ఇటీవలి సంవత్సరాలతో పోలిస్తే ఈ సంవత్సరం CSE ప్రిలిమ్స్ పేపర్ చాలా తేలికగా ఉందని.. కట్-ఆఫ్ స్కోర్లు ఎక్కువగా ఉండవచ్చని నిపుణులు అంచనా వేస్తున్నారు.ప్రిలిమినరీ పరీక్షలో ఎంపికైన అభ్యర్థులు మెయిన్స్ కు అర్హత సాధిస్తారు. ఇందులో రెండు భాగాలు ఉంటాయి. ఒకటి రాత పరీక్ష కాగా మరొకటి ఇంటర్వ్యూ ఉంటుంది. UPSC క్యాలెండర్ ప్రకారం, సివిల్ సర్వీసెస్ మెయిన్స్ ఎగ్జామినేషన్ 2024 సెప్టెంబర్ 20న షెడ్యూల్ చేశారు.

కేంద్ర ప్రభుత్వ సర్వీసులు విభాగాల్లో మొత్తం 1,056 ఖాళీలను ఈ ఏడాది రిక్రూట్‌మెంట్ పరీక్షల ద్వారా భర్తీ చేయనున్నారు. ఇందులో ఇండియన్ అడ్మినిస్ట్రేటివ్ సర్వీస్ (IAS), ఇండియన్ పోలీస్ సర్వీస్ (IPS). ఇండియన్ ఫారిన్ సర్వీస్ (IFS) ఉన్నాయి. అంతేకాకుండా 40 బెంచ్‌మార్క్ డిజేబిలిటీస్ (PwBD) ఉన్న వ్యక్తుల కోసం రిజర్వ్ చేశారు.

English summary

Union Public Service Commission (UPSC) Civil Services Preliminary Exam Results are out