మోదీ జీ.. హమ్ తుమ్హారే సాథ్ హై

Waqf amendment Bill: దేశ రాజకీయాల్లో తీవ్ర వివాదానికి కారణమైన వక్ఫ్ సవరణ బిల్లు ఇంకాస్సేపట్లో లోక్‌సభ సమక్షానికి రాబోతోంది. కేంద్ర న్యాయ, మైనారిటీ వ్యవహారాల శాఖ మంత్రి కిరణ్ రిజిజు- దీన్ని సభలో ప్రవేశపెట్టబోతోన్నారు. ఈ నేపథ్యంలో ఇప్పటికే భారతీయ జనతా పార్టీ, కాంగ్రెస్- వాటి మిత్రపక్షాలు విప్ సైతం జారీ చేశాయి. తెలుగుదేశం పార్టీ సైతం విప్ ఇచ్చింది. ఈ బిల్లుకు జనసేన మద్దతు తెలిపింది.

వక్ఫ్ బిల్లు గతంలో పార్లమెంట్ ముందుకు వచ్చినప్పటికీ- అది ఆమోదం పొందలేదు. అందులో సవరణలను సూచించడానికి కేంద్ర ప్రభుత్వం ప్రత్యేకంగా 31 మంది సభ్యులతో జాయింట్ పార్లమెంటరీ కమిటీని ఏర్పాటు చేసిన విషయం తెలిసిందే. జగదంబికా పాల్ దీనికి సారథ్యాన్ని వహించారు.

ఈ 31 మందిలో తెలంగాణ నుంచి అసదుద్దీన్ ఒవైసీ, డీకే అరుణ, ఏపీ నుంచి లావు శ్రీ కృష్ణ దేవరాయలు, విజయసాయి రెడ్డి సభ్యులుగా కొనసాగారు. ఆ తరువాత సాయిరెడ్డి తన రాజ్యసభ సభ్యత్వానికి రాజీనామా చేశారు. ఈ కమిటీ ఇప్పటివరకు 284 మందితో చర్చలు జరిపింది.

ముంబై, అహ్మదాబాద్, హైదరాబాద్, చెన్నై, బెంగళూరు, గౌహతి, భువనేశ్వర్, పాట్నా, కోల్కతా, లక్నో వంటి నగరాల్లో సమావేశమైంది. ప్రజాభిప్రాయాలను సేకరించింది. ముస్లిం మత పెద్దలతో భేటీ అయింది. అలాగే- మూడుసార్లు స్టడీ టూర్లనూ నిర్వహించింది. ఆయా రాష్ట్రాల వక్స్ బోర్డులు, ప్రభుత్వాలు, మైనారిటీ కమిషన్ ఛైర్మన్లతో మాట్లాడింది.

ఇప్పటివరకు ఈ జేపీసీ 38 సార్లు సమావేశమైంది. వక్స్ హెూదా, జిల్లా కలెక్టర్‌కు అధికారాలను అప్పగించడం, వక్స్ బోర్డు నిర్మాణం, ట్రిబ్యునల్ అధికారాలను కల్పించడం వంటి అంశాలు ఈ సందర్భంగా ప్రస్తావనకు వచ్చాయి. జేపీసీకి 44 సవరణలు సైతం అందాయి. వాటిలో 14 సవరణలకు జేపీసీ ఆమోదం లభించింది.

ఈ బిల్లు లోక్‌సభ ముందుకు రాబోతోన్న ప్రస్తుత పరిస్థితుల్లో మధ్యప్రదేశ్‌ భోపాల్‌లో పలువురు ముస్లింలు అనుకూల ప్రదర్శనలను నిర్వహించారు. బిల్లుకు మద్దతుగా నినాదాలు చేశారు. వక్ఫ్ సవరణ బిల్లు, ప్రధాని మోదీకి తమ మద్దతు తెలియజేస్తూ, ప్లకార్డులను ప్రదర్శించారు.

#WATCH | Madhya Pradesh: Women in Bhopal come out in support of Waqf (Amendment) Bill to be presented today in Lok Sabha. pic.twitter.com/CUaUA3Rtkh

— ANI (@ANI) April 2, 2025

ప్రధానమంత్రి నరేంద్రమోదీకి జైకొట్టారు. మోదీ జీ జిందాబాద్ అంటూ నినదించారు. హమ్ తుమ్హారే సాథ్ హై అంటూ భరోసా ఇచ్చారు. మారుతున్న కాలానికి అనుగుణంగా వక్ఫ్ చట్టంలో సవరణలను తీసుకుని రావాల్సిన అవసరం ఉందని వారంతా అభిప్రాయపడ్డారు. ఈ సవరణల ద్వారా వక్ఫ్ ఆస్తులకు కేంద్రం రక్షణ కల్పిస్తుందంటూ ధీమా వ్యక్తం చేశారు.

English summary

The several Women from Muslim community in Bhopal, come out in support of Waqf Amendment Bill to be presented today in Lok Sabha. వక్ఫ్ సవరణల బిల్లుకు మద్దతుగా భోపాల్‌లో ముస్లిం మహిళలు ప్రదర్శన నిర్వహించారు. ప్రధాని మోదీకి జైకొట్టారు.