వస్త్రధారణపై యేసుదాసు వ్యాఖ్య: మండిపడ్డ మహిళలు

తిరువనంతపురం: మహిళల వస్త్రధారణపై ప్రముఖ గాయకుడు యేసుదాసు చేసిన వ్యాఖ్యలపై మహిళలు మండిపడుతున్నారు. మహిళలు జీన్స్ ధరించవద్దని ఆయన వ్యాఖ్యానించారు. గాంధీ జయంతి సందర్భంగా తిరువనంతపురంలో జరిగిన ఓ కార్యక్రమంలో ఆయన మాట్లాడుతూ ఆ వ్యాఖ్యలు చేశారు. ఆ వ్యాఖ్యలపై కేరళ కాంగ్రెసు నిరసన వ్యక్తం చేసింది.

మహిళలు జీన్స్ ధరించడం మన సంస్కృతి కాదని యేసుదాసు అన్నారు. యేసుదాసు వ్యాఖ్యలు ఆమోదయోగ్యం కావని, మహిళల స్వేచ్ఛపై ఆంక్షలు విధించడమేనని కేరళ మహిళా కాంగ్రెసు నేత బిందు కృష్ణ అన్నారు.

నగరంలో మహిళా కాంగ్రెసు కార్యకర్తలు నిరసన ప్రదర్శన చేశారు. గాయకుడిగా ఏసుదాసుని భారతీయులంతా అభిమానిస్తారని, సంగీతానికి యేసుదాసు అందించిన సేవలకు గర్విస్తారని ఆయన అన్నారు. ఆ స్థాయి వ్యక్తి ఇలాంటి అభిప్రాయాలు వ్యక్తం చేయడం దురదృష్టకరమని బిందుకృష్ణ అన్నారు.

యేసుదాసు తన వ్యాఖ్యలను వెనక్కి తీసుకోవాలని డిమాండ్ చేస్తూ సోషల్ మీడియాలో నిరసనలు వెల్లువెత్తాయి. యేసుదాసు పద్మశ్రీ, పద్మ విభూషణ్ అవార్డులు అందుకున్నారు. ఏది కప్పిపెట్టుకోవాలో దాన్ని కప్పి పెట్టాలని, మహిళలు జీన్స్ ధరిచండం వల్ల పురుషులు ఇబ్బంది పడుతున్నారని యేసు దాసున అన్నారు.

English summary

Legendary singer K J Yesudas has come under severe criticism from women activists over his remarks that women should not wear jeans.