పెట్టింది లక్ష.. వచ్చింది 80 కోట్లు.. అదృష్టం అంటే ఇదే బాసు !

జీవితంలో అదృష్టం ఎవరిని ఎప్పుడు వరిస్తుందో చెప్పలేం. అలానే ఎప్పుడెక్కడ, ఎలా తలుపు తడుతుందో ఎవరూ ఊహించలేరు. 30 ఏళ్ల క్రితం ఓ తండ్రి పెట్టిన చిన్న పెట్టుబడి... ఇప్పుడతని కొడుకుకు కోట్లాది విలువను తెచ్చిపెట్టింది. ఈ అద్భుత సంఘటన ప్రస్తుతం సోషల్‌ మీడియాలో తెగ వైరల్ అవుతోంది.

1990లో పెట్టిన రూ.1 లక్ష.. 2025లో రూ.80 కోట్లు..

1990లో ఒక వ్యక్తి జిందాల్ గ్రూప్‌ నకు చెందిన జేఎస్‌డబ్ల్యూ స్టీల్ కంపెనీలో రూ.1 లక్ష విలువైన షేర్లను కొనుగోలు చేశాడు. కాలక్రమేణా వాటికి సంబంధించిన పత్రాలు కాస్త మర్చిపోయాడు. అవి ఇంట్లో ఓ మూలన నిలిపివేశాడు. ఇటీవల అతడి కొడుకు ఆ పాత పత్రాలను కాస్త ఆరా తీయగా ఆశ్చర్యకరమైన వాస్తవం వెలుగులోకి వచ్చింది. ప్రస్తుతం ఆ షేర్ల విలువ రూ.80 కోట్లు అని తేలడంతో ఒక్కసారిగా షాక్ కి గురయ్యాడు. ఆనందాన్ని ఆపుకోలేక సోషల్ మీడియాలో సైతం పోస్ట్ చేశాడు.

ఎక్స్ వేదికగా సౌరవ్ దత్తా అందుకు సంబంధించిన డాక్యుమెంట్ లను షేర్ చేయడంతో ఆ పోస్ట్ వైరల్‌గా మారింది. ఈ ఘటనపై నెటిజన్లు సైతం రెస్పాండ్ అవుతూ కామెంట్స్ చేస్తున్నారు. పెట్టుబడుల విషయంలో లాంగ్ టర్మ్ వ్యూహం ఎంత ముఖ్యమో మరోసారి రుజువు అయ్యిందని ఒకరు కామెంట్ చేస్తే.. " patience pays ", " Time is the biggest multiplier in investing ", " Power of compounding is magical " అంటూ పలువురు కామెంట్స్ చేస్తున్నారు.

Guy on Reddit discovered JSW shares bought by his dad in the 1990s for ₹1L.

Worth ₹80Cr today.

Power of buy right sell after 30yrs. pic.twitter.com/mZTpGt4LII

— Sourav Dutta (@Dutta_Souravd) June 7, 2025

English summary

In life, you never know when luck will strike. Similarly, no one can predict when, where, or how it will knock on the door. A small investment made by a father 30 years ago… has now brought his son a value of crores.