Viral Video: స్విమ్మింగ్ పూల్ మధ్యలో రంధ్రం.. తేరుకునే లోపే లాక్కెళ్లింది..

Published: Thursday, July 28, 2022, 17:56 [IST]

సాధారణంగా అయితే రోడ్డు కుంగుతుంది. కానీ ఓ చోట స్విమ్మింగ్ పూల్ లో ఒక్కసారిగా రంధ్రం పడింది. ఒకటి కాదు రెండు కాదు ఏకంగా 43 అడుగుల లోతు రంధ్రం పడింది. ప్రమాదావశాత్తు ఓ వ్యక్తి మృతి చెందాడు. స్విమ్మింగ్ పూల్ ఉపరితలంపై ఉన్న సింక్ హోల్ ఆకస్మికంగా తెరుచుకోవడంతో ఒక వ్యక్తి విషాదకరంగా మరణించాడు. టెల్ అవీవ్‌కు ఆగ్నేయంగా 40 కిలోమీటర్ల దూరంలో ఉన్న ఇజ్రాయెల్‌లోని కార్మీ యోసెఫ్ పట్టణంలో ఈ ఘటన చోటుచేసుకుంది.

నాలుగు గంటల సమయం..

అతను రంధ్రంలో పడిపోతుండగా.. ఇతరులు కాపాడే ప్రయత్నం చేసినా అతను తప్పించుకోలేకపోయాడు. ఓ ప్రైవేట్ కంపెనీ ఉద్యోగుల కోసం ఏర్పాటు చేసిన పూల్ పార్టీ సందర్భంగా ఈ ఘటన చోటుచేసుకుంది. టైమ్స్ ఆఫ్ ఇజ్రాయెల్ వార్తాపత్రిక నివేదించిన ప్రకారం, జులై 21న లోతైన రంధ్రం నుంచి వ్యక్తి మృతదేహాన్ని వెలికితీసేందుకు నాలుగు గంటల సమయం పట్టింది.

A man died due to a hole in his swimming pool, A video goes viral on social media

క్లిల్ కిమ్హీ..

మృతి చెందిన వ్యక్తిని క్లిల్ కిమ్హీగా గుర్తించారు. అతని మరణానికి ఖచ్చితమైన కారణాన్ని అధికారులు గుర్తించలేకపోయారు. ఈ సంఘటనకు సంబంధించిన వీడియో సోషల్ మీడియాలో వైరల్ అయ్యింది. ప్రమాద సమయంలో స్విమ్మింగ్ ఫుల్ లో ఆరుగురు ఉన్నారు. "నీటి మట్టం అకస్మాత్తుగా తగ్గడం ప్రారంభమైంది. ఒక రంధ్రం తెరుచుకుంది, ఇది సుడిగుండం సృష్టించింది" అని సాక్షిని ఉటంకిస్తూ చెప్పారు.