సార్వత్రిక ఎన్నికలను బహిష్కరించిన ప్రతిపక్ష పార్టీలు
Bangladesh elections 2024: పొరుగునే ఉన్న బంగ్లాదేశ్లో నేడు సార్వత్రిక ఎన్నికలు జరుగనున్నాయి. ఆ దేశ పార్లమెంట్కు పోలింగ్ నిర్వహించడానికి అన్ని ఏర్పాట్లు పూర్తయ్యాయి. మొత్తం 350 స్థానాలు ఉన్న ఆ దేశ పార్లమెంట్ జాతీయ సంగ్సద్ (House of Nation)కు జరిగే 12వ విడత ఎన్నికలివి.
ప్రస్తుతం బంగ్లాదేశ్లో ఆవామీ లీగ్ అధికారంలో ఉంది. పార్లమెంట్లో ఆ పార్టీకి ఉన్న సీట్ల సంఖ్య 306. ఈ పార్టీ అధినేత్రి షేక్ హసీనా ప్రస్తుతం ప్రధానమంత్రిగా కొనసాగుతున్నారు. జాతీయ పార్టీ ప్రధాన ప్రతిపక్షంగా వ్యవహరిస్తోంది. ఆ పార్టీకి ఉన్న స్థానాల సంఖ్య 27. భారత్ తరహాలోనే అయిదేళ్లకోసారి సార్వత్రిక ఎన్నికలు జరుగుతాయక్కడ.
ఈ సారి కూడా ఆవామీ లీగ్ అధికారంలోకి రావొచ్చనే అంచనాలు వ్యక్తమౌతోన్నాయి. ఈ ఎన్నికలను ప్రతిపక్ష బంగ్లాదేశ్ నేషనలిస్ట్ పార్టీ బహిష్కరించింది. షేక్ హసీనా తన బాధ్యతల నుంచి తప్పుకొని, ఎన్నికల నిర్వహణ ప్రక్రియను తటస్థ వ్యవస్థకు అప్పగించాలనేది ఆ పార్టీ డిమాండ్. మాజీ ప్రధాని ఖలీదా జియాను విడుదల చేయాలంటూ నినదిస్తోంది. 48 గంటల జాతీయస్థాయి బంద్కు పిలుపునిచ్చింది.
మొత్తంగా 11.96 కోట్ల మంది ఓటర్లు కొత్త ప్రభుత్వాన్ని ఎన్నుకోనున్నారు. వారికోసం దేశవ్యాప్తంగా 42,000 పోలింగ్ కేంద్రాలు ఏర్పాటయ్యాయి. ఆవామీ లీగ్, నేషనల్ పార్టీ సహా మొత్తంగా 27 పార్టీలు ఆ ఎన్నికల్లో పోటీ చేస్తోన్నాయి. 1,500 మంది వివిధ పార్టీల అభ్యర్థులు, 436 మంది స్వతంత్రులు బరిలో నిలిచారు.
ఈ ఎన్నికల్లో బంగ్లాదేశ్ స్టార్ క్రికెటర్ షకీబ్ అల్ హసన్ పోటీలో నిలిచాడు. మగుర-1 నియోజకవర్గం నుంచి ఎన్నికల రేసులో నిల్చున్నాడు. అధికార ఆవామీ లీగ్ అభ్యర్థిగా ఎన్నికల బరిలో దిగాడు షకీబ్. ఇదివరకు బంగ్లాదేశ్ మాజీ క్రికెటర్ ముష్రఫీ మొర్తాజా రాజకీయాల్లోకి ప్రవేశించిన విషయం తెలిసిందే.
ఈ ఎన్నికల్లో పలు చోట్ల హింసాత్మక పరిస్థితులు నెలకొన్నాయి. 14 పోలింగ్ కేంద్రాలు, రెండు స్కూళ్లను తగులబెట్టారు దుండగులు. రాజధాని ఢాకా సహా పలు చోట్ల పోలింగ్ బూత్లను ధ్వంసం చేసినట్లు వార్తలు వస్తోన్నాయి. బంద్ సందర్భంగా దాడులు జరిగే అవకాశం ఉందనే ఉద్దేశంతో ముందుజాగ్రత్త చర్యలు తీసుకున్నప్పటికీ..దాడులను నివారించలేకపోయాయి అక్కడి భద్రత సిబ్బంది.
-
రేషన్ లబ్దిదారులకు కేంద్రం గుడ్ న్యూస్- మూడు నెలల కోటా ఒకేసారి పంపిణీ -
బంగారం ధరల అంచనాలు తలకిందులు -
మేషరాశి, సింహరాశి, వృశ్చిక రాశి, ధనుస్సు రాశులకు ఏప్రిల్ నెలలో రాజయోగం -
బంగాళాఖాతంపై ఆవర్తనం- ఏపీలోని ఈ జిల్లాల్లో భారీ వర్షాలు -
తులారాశి వార్షిక ఫలం 2026-27: ఈ ఏడాది వీరికి తిరుగేలేదు.. ఈ విషయంలో జాగ్రత్త! -
త్వరలో తిరుపతి, హైదరాబాద్కు నేరుగా రైళ్లు: ఆ జిల్లాకు కేంద్రమంత్రి తీపికబురు! -
రామ్ చరణ్ బర్త్ డేకు బిగ్ సర్ ప్రైజ్: `పెద్ది` నుంచి -
తిరుమలలో సీఎం చంద్రబాబుకు భక్తుల స్పెషల్ రిక్వెస్ట్, అక్కడే ఆదేశాలు..!! -
మహేష్ బాబు కాకుండా ఆ హీరో అంటే చాలా ఇష్టం - కృష్ణ -
ఇరాన్ కు ట్రంప్ డెడ్ లైన్- కౌంట్ డౌన్ బిగిన్స్ -
'ధురంధర్' యలీనా గుట్టురట్టు: నిజమా.. కల్పితమా? -
ఎట్టకేలకు జీవన్ రెడ్డి చేరే పార్టీ ఖరారు, అదే బాటలో..!!
Click it and Unblock the Notifications
Sign in with Google