ట్రయల్ రూమ్‌లో బట్టలు మార్చుకుంటుండగా.. సెల్‌ఫోన్‌తో చిత్రీకరిస్తూ దొరికిపోయాడు

ట్రయల్ రూమ్‌లో దుస్తులు మార్చుకుంటుండగా డోర్‌కు ఓ రంధ్రం ఉన్నట్లు గమనించింది. రంధ్రంలోంచి ఎవరో వీడియో షూట్ చేస్తున్నట్లు కనిపించడంతో.. వెంటనే బయటకు దూసుకొచ్చంది.

దుబాయి: షాపింగ్ మాల్స్‌కు వెళ్లినప్పుడు ట్రయల్ రూమ్‌లో ఏమరపాటుగా ఉంటే ఊహించని డ్యామేజ్ జరగడం ఖాయం. తాజాగా ఓ మాల్‌లో దుస్తులు కొనుగోలు చేసిన మహిళ.. ట్రయల్ రూమ్‌లో వాటిని మార్చుకుంటుండగా.. ఎవరో కెమెరాతో చిత్రీకరించడం గుర్తించింది. అంతేకాదు, అప్పటికప్పుడు అప్రమత్తమై రెడ్ హ్యాండెడ్‌గా అతన్ని పట్టుకుంది.

దుబాయిలోని ఓ షాపింగ్ మాల్‌లో ఈ ఘటన చోటు చేసుకుంది. నగరానికి చెందిన 34ఏళ్ల ఓ మహిళకు ఈ చేదు అనుభవం ఎదురైంది. ట్రయల్ రూమ్‌లో దుస్తులు మార్చుకుంటుండగా డోర్‌కు ఓ రంధ్రం ఉన్నట్లు గమనించింది. రంధ్రంలోంచి ఎవరో వీడియో షూట్ చేస్తున్నట్లు కనిపించడంతో.. వెంటనే బయటకు దూసుకొచ్చంది.

డోర్ బయట సెల్‌ఫోన్‌తో వీడియో రికార్డు చేస్తున్న పాతికేళ్ల యువకుడిని రెడ్ హ్యాండెడ్‌గా పట్టుకుంది. ఆ వెంటనే పోలీసులకు ఫిర్యాదు చేయడంతో.. అతన్ని అదుపులోకి తీసుకుని కేసు నమోదు చేశారు. గతంలోను ఆ యువకుడు ఇలా ప్రవర్తించినట్లుగా పోలీసులు తెలిపారు. దీనికి సంబంధించి దుబాయి కోర్టు జూన్11న తీర్పు వెలువరించనుంది.

English summary

A woman in Dubai faced a bad experience in local shopping mall. While she was changing dress in trail room, an unknown person was shooted with cellphone