కొట్టుకున్న పైలట్లు ? 17,400 అడుగులు జారిన విమానం-హైజాక్ అలర్ట్స్..!

దుబాయ్‌ నుంచి ఇజ్రాయెల్‌లోని టెల్ అవీవ్‌కు వెళ్తున్న ఫ్లైదుబాయ్‌ విమానంలో (Flydubai Flight) అనూహ్య ఘటనలు చోటు చేసుకున్నాయి. కాక్ పిట్ లో పైలట్ల వివాదం, ఓ పైలట్ గాయపడటం, తొలుత 7700 అత్యవసర కోడ్, అనంతరం 7500 కోడ్ పంపడంతో హైజాక్‌ భయాలు నెలకున్నాయి. అదే సమయంలో విమానం ఒక్కసారిగా 17400 అడుగుల కిందకు జారిపోయింది. ఈ పరిణామంతో ఇజ్రాయెల్‌ వైమానిక దళం యుద్ధ విమానాలను కూడా అప్రమత్తం చేసింది. చివరికి ఈ విమానం అత్యవసర పరిస్థితుల్లో సౌదీ అరేబియాలోని టబుక్‌లో ల్యాండ్ చేశారు.