అమెరికాతో ఆయుధ డీల్: చైనా, పాకిస్తాన్లకు బిగ్ షాక్!
భారత్, అమెరికా దేశాల మధ్య సంబంధాలలో కొన్ని అవాంతరాలు ఉన్నప్పటికీ.. రక్షణ భాగస్వామ్యం ఇప్పటికీ బలంగానే ఉంది. ఇరు దేశాలు చాలా ఏళ్లుగా రక్షణ భాగస్వాములుగా కొనసాగుతున్నాయి. గత నెలలో భారత రక్షణ శాఖ మంత్రి రాజ్నాథ్ సింగ్, అమెరికా డిఫెన్స్ సెక్రటరీ పీట్ హెగ్సేతో సమావేశమై ఇరు దేశాల మధ్య పదేళ్ల రక్షణ ఫ్రేమ్వర్క్పై సంతకాలు చేశారు. ఇప్పుడు ఈ భాగస్వామ్యంలో భాగంగా భారత్ అమెరికా నుండి భారీ మొత్తంలో ఆయుధాలను కొనుగోలు చేయాలని నిర్ణయించింది.
అమెరికాతో ఆయుధ డీల్
భారత్ 93 మిలియన్ డాలర్ల(సుమారు రూ.825 కోట్లు) విలువైన అమెరికన్ ఆయుధాలను కొనుగోలు చేయనుంది. ఈ ఆయుధాల డీల్కు అమెరికన్ విదేశాంగ శాఖ గ్రీన్ సిగ్నల్ ఇచ్చింది. డిఫెన్స్ సెక్యూరిటీ కోఆపరేషన్ ఏజెన్సీ ఈ విషయాన్ని అమెరికన్ కాంగ్రెస్కు అధికారికంగా తెలియజేసింది.
భారత్ కొనుగోలు చేసే ఆయుధాలు ఏవి?
భారత్ కొనుగోలు చేయబోయే అమెరికన్ ఆయుధాలలో జావెలిన్ క్షిపణి వ్యవస్థ చాలా కీలకమైనది. ఈ కొనుగోలులో 100 జావెలిన్ యాంటీ ట్యాంక్ గైడెడ్ మిస్సైల్స్, 25 తేలికపాటి కమాండ్ లాంచ్ యూనిట్లు, 'ఫ్లై-టు-బై' రౌండ్, శిక్షణా సహాయం, సిమ్యులేషన్ రౌండ్స్, విడి భాగాలు, లైఫ్టైమ్ సపోర్ట్ ఉంటాయి. వీటితో పాటు భారత్ అమెరికా నుంచి ఎక్స్కాలిబర్ ప్రొజెక్టైల్స్ను కూడా కొనుగోలు చేయనుంది. వీటిలో సంబంధిత ఫైర్-కంట్రోల్ కాంపోనెంట్లు, ప్రొపెల్లెంట్లు, సాంకేతిక సహాయం, లాజిస్టికల్ సపోర్ట్ కూడా చేర్చబడ్డాయి.
చైనా-పాకిస్తాన్లకు టెన్షన్
భారత్, అమెరికా మధ్య కుదిరిన ఈ ఆయుధాల ఒప్పందం వల్ల చైనా, పాకిస్తాన్ దేశాలకు ఆందోళన పెరుగుతుంది. భారత్-పాకిస్తాన్ సరిహద్దులో ఉద్రిక్తతలు ఎప్పుడూ ఉంటాయి. సరిహద్దులో పాకిస్తాన్ ఏమైనా కుట్ర చేయడానికి ప్రయత్నిస్తే భారత్ ఈ అధునాతన ఆయుధాలను ఉపయోగించవచ్చు. మరోవైపు భారత్-చైనా సరిహద్దు సంబంధాలలో కొంత మెరుగుదల ఉన్నప్పటికీ, భారత్ ఈ అమెరికన్ ఆయుధాలను కొనుగోలు చేయడం చైనాకు సైతం టెన్షన్ కలిగిస్తుంది. ఇది భారత్ రక్షణ సామర్థ్యాన్ని, వ్యూహాత్మక బలాన్ని పెంచుతుంది.
Click it and Unblock the Notifications
Sign in with Google