పిరుదులపై ప్రేమ ప్రాణం తీసింది -లైవ్​లో చూసి షాక్​ -సర్జరీ వికటించి ప్రముఖ మోడల్ మృతి

రోజుకో రకంగా అప్ డేట్ అవుతుండే మోడలింగ్ ప్రపంచంలో తనదైన స్థానం కోసం.. స్టార్ స్టేటస్ కోసం పాకులాడిన ఆమె.. పట్టుమని ముప్ఫై ఏళ్లు నిండకుండానే ప్రాణాలు కోల్పోయింది. కొత్తగా కనపడాలనే ఆత్రంతో పిరుదులకు సర్జరీ చేయించుకుని, అదికాస్తా వికటించడంతో తనువుచాలించింది. కొద్ది గంటలుగా మోడలింగ్, ఫ్యాషన్ రంగాలతోపాటు సోషల్ మీడియలోనూ ఆమె మృత్యువార్త హాట్ టాపిక్ గా మారింది.

ఆమె పేరు వింటేనే జిల్

జోస్లెన్ కానో.. ఈ పేరు వింటే కుర్రాళ్లు పిచ్చెక్కిపోతారు. తన హోయలతో లక్షల మందిని సోషల్​ మీడియాలో తన వెంటపడేలా చేసుకుంది. మాగజీన్​ కవర్​గర్ల్​గా, స్విమ్​వేర్​ డిజైనర్​గా, ఇంటర్నెట్​ ఇన్​ఫ్లుయెన్సర్​గా.. అన్నింటికి మించి ‘మెక్సికన్​ కిమ్ కర్దాషియన్​'గా ప్రపంచం ఆమెకి గుర్తింపు ఇచ్చింది. అయితే బాడీ షేప్​లకు మెరుగులు దిద్దాలనే ఆమె ప్రయత్నం బెడిసి కొట్టింది. పిరుదులకు సర్జరీ చేయించుకునే క్రమంలో 29 ఏళ్ల జోస్లెన్​ . ఆలస్యంగా వెలుగులోకి వచ్చిన జోస్లెన్​ మరణం.. మోడలింగ్ రంగంలో విషాదం నింపింది.

లైవ్​లో ఫ్యాన్స్‌కు షాక్

కాలిఫోర్నియాలోని అకెస్​ ఫ్యామిలీ ఫునెరల్ హోమ్స్​ నుంచి గురువారం జోస్లెన్ కానో అంత్యక్రియల్ని లైవ్ స్ట్రీమింగ్ చేయడంతో అంతా ఒక్కసారిగా షాక్​ తిన్నారు. కొలంబియాలో ‘బ్రెజిల్ బట్ లిఫ్ట్​ సర్జరీ' చేయించుకుంటుండగా డిసెంబర్​ 7వ తేదీనే జోస్లెన్​ చనిపోయిందని మోడల్ రీలా మెర్సర్​ ట్విట్టర్​లో అనౌన్స్ చేసింది. కానో ఆత్మకు శాంతి కలగాలని కోరుకుంటూ అభిమానులు, తోటి మోడల్స్​ సోషల్ మీడియాలో పోస్టులు చేస్తున్నారు. ఆమె సహచర ఇన్​ఫ్లుయెన్సర్​ డానియెల్లా చేవెజ్​ మీడియా ముందుకొచ్చి కన్నీరుమున్నీరుగా విలపించింది.‘కానో.. స్వర్గంలో నీ ఆత్మకు శాంతి చేకూరాలి' అని డానియెల్లా కోరుకుంది.

ఇద్దరు పిల్లల తల్లి

కాలిఫోర్నియాలోని అనహెయిమ్​లో 1990 మార్చి 14న పుట్టింది జోస్లెన్​. ఐదేళ్ల వయసు నుంచే మోడలింగ్ రంగంలో అడుగుపెట్టిన జోస్లెన్​.. 17 ఏళ్లకే మాగజీన్​ కవర్​ గర్ల్​గా పేరు తెచ్చుకుంది. మెక్సికోకి చెందిన దాదాపు అన్ని ప్రముఖ మాగజీన్​ కవర్​లపై ఆమె మెరిసింది. బికినీ మోడల్​గా ఇన్​స్టాగ్రామ్​లో దాదాపు 13 మిలియన్ల ఫాలోవర్లను సంపాదించుకుంది. ఆమెకు పెళ్లై.. ఇద్దరు పిల్లలు కూడా ఉన్నారు.

ఆ పిరుదులకే క్రేజ్..

ఇదివరకే ఒకసారి బ్రెజిల్ బట్ సర్జరీ చేయించుకుంది జోస్లెన్​. అప్పటి నుంచి మీడియా, అభిమానులు ఈ స్విమ్​వేర్​ డిజైనర్​ని ముద్దుగా​ ‘మెక్సికన్​ కిమ్ కర్దాషియన్​'గా పిల్చుకునేవాళ్లు. అయితే రెండోసారి పిరుదులకు కాస్మోటిక్​ సర్జరీ చేయించుకోవాలనే ఆమె ప్రయత్నం ఫలించలేదు. ట్రీట్​మెంట్ కొనసాగుతుండగానే ఆమె ప్రాణం కోల్పోయింది. ఉన్న ఫాలోయింగ్ సరిపోదన్నట్లు ఇలాంటి ప్రయత్నం ఆమె చేయాల్సింది కాదని కొందరు అభిప్రాయపడ్డారు. ఇలాంటి ప్రమాదకరమైన సర్జరీలకు మోడల్స్​ దూరంగా ఉండడం మంచిదని హెల్త్ ఎక్స్​పర్ట్స్​ హెచ్చరిస్తున్నారు.

English summary

An Instagram model, dubbed the Mexican Kim Kardashian, is reported to have died at the age of 29 after a botched butt-lift surgery in Colombia. Joselyn Cano from Newport Beach, California, is claimed to have died on December 7 and a livestream of what is believed to be her funeral was shared on Youtube this week. Influencer Lira Mercer broke the news of the model's death on Twitter yesterday, writing: 'Omg Joselyn Cano died in Colombia getting surgery. That’s wild.'