internet shakes a photo:తల్లి నీకు వందనం, పసిగుడ్డును లాలిస్తూ చదువుతోన్న చిన్నారి..

జీవితం.. ఎన్నో మలుపులు, కష్టాలు... ఓపికగా లీడ్ చేయడమే. మరికొందరినీ అయితే ఆ భగవంతుడు చిన్న చూపు చూస్తాడు. మంచి ఏదో.. చెడు ఏదో తెలియని వయస్సులోనే అష్టకష్టాలు పెడతాడు. అవును మణిపూర్‌కు చెందిన ఓ పదేళ్ల చిన్నారి వ్యధ ఇదీ. ఆమె కష్టానికి సంబంధించిన ఫోటోను షేర్ చేయడంతో.. ఇంటర్నెట్ షేక్ అవుతుంది.

4వ తరగతి చిన్నారి..

తమెంగ్‌లాంగ్‌కు చెందిన చిన్నారి మానింగ్‌సిలియు పమి నాలుగో తరగతి చదువుతుంది. పేరంట్స్ ఇద్దరు వ్యవసాయ పనులకు వెళతారు. సో ఆమె రెండేళ్ల చెల్లెలిని బాధ్యత తనేపైనే పడింది. మరీ ఆమెకు ఇష్టమైన చదువు కూడా కంటిన్యూ చేయాలి. ఇందుకోసం చెల్లెల్ని తీసుకుని పాఠశాలకు వెళ్లింది. చిన్నారిని ఒళ్లో కూర్చొబెట్టుకొని క్లాస్ రూంలో పాఠాలు వినేది. ఆ సమయంలో తీసిన ఫోటోని సోషల్ మీడియాలో షేర్ చేశారు. అదీ తెగ వైరల్ అయ్యింది. దీంతో సీఎం, మంత్రి స్పందించారు.

సీఎం తక్షణ సాయం.. డిగ్రీ వరకు చదివిస్తానన్న మంత్రి

ఆ ఫోటోలు షేర్ చేయగా.. పమి పట్టుదలకు నెటిజన్లు ఫిదా అయిపోయారు. ఆ రాష్ట్ర సీఎం బీరెన్ సింగ్ కూడా స్పందించారు. చిన్నారి వద్దకు చైల్డ్ లైన్ సేవా బృందాన్ని పంపించారు. వారిని ఆదుకోవడానికి చర్యలు తీసుకోవాలని ఆదేశించారు. ఆమె కుటుంబానికి రేషన్ కూడా అందించారు. ఇంటిగ్రేటెడ్ చైల్డ్ ప్రొటెక్షన్ కింద వారికి సాయం చేయడంపై చర్చించానని.. తక్షణ సాయంగా చైల్డ్‌లైన్ ద్వారా బియ్యం, పప్పు, బంగాళదుంపలు, నూనెను అందించామని సీఎం బీరెన్ సింగ్ తెలిపారు. మరోవైపు ఆ రాష్ట్ర మంత్రి బిస్వజిత్ సింగ్ చిన్నారి పమిని గ్రాడ్యుయేషన్ వరకు చదివిస్తానని స్ఫష్టంచేశారు.

రూ.10 వేల ఆర్థికసాయం

మణిపూర్ రోంగ్‌మీ నాగా స్టూడెంట్స్ ఆర్గనైజేషన్ ప్రతినిధులు పమి కుటుంబానికి సాయం చేశారు. పది వేల రూపాయల ఆర్థిక సహాయం కూడా చేశారు. పమి ఇంటి బాధ్యతలు తీసుకోవడంపై ఆశ్చర్యం వ్యక్తం చేశారు. చిన్న పిల్లలు తమ కుటుంబ భారాన్ని తీసుకోరని.. కానీ పమి తన కుటుంబం ఎదుర్కొంటున్న కష్టాలు, పేదరికాన్ని అర్థం చేసుకుందని ప్రెసిడెంట్ డైచుయ్ గాంగ్‌మీ అన్నారు.

English summary

child taking care of their younger sibling is one of the most heartwarming things to see as it shows their compassion and sense of responsibility at such a tender age