Click it and Unblock the Notifications
Just In
Don't Miss
-
Karthika Deepam 2 నా బిడ్డకు దూరంగా ఉండు.. కార్తీక్కు దీప షాక్ -
PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా -
గుడ్నైట్ సందేశాలను ఇలా సరదాగా పంపుకోండి.. -
40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు! -
గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
కిమ్ నిజంగా అంత సాహసం చేశాడా?: ఫోటోలు విడుదల చేసిన ఉ.కొరియా..
ప్యోంగ్‌యాంగ్: ఉత్తరకొరియా పాలకులను అక్కడి ప్రజలు మానవాతీతులుగా భావించే విషయాలు అక్కడ చాలానే ప్రచారంలో ఉన్నాయి. దానికి తగ్గట్లే అక్కడి మీడియా కూడా వ్యవహరిస్తుంటుంది.
తాజాగా అధ్యక్షుడు కిమ్ జాంగ్ ఉన్ కు సంబంధించి ఓ ఆసక్తికర వార్తను ఉత్తరకొరియా మీడియా వెల్లడించింది. 8,300 అడుగుల ఎత్తున్న పేక్టు పర్వతాన్ని కిమ్ జాంగ్ మరోసారి ఎక్కినట్లు తెలిపింది. అయితే అంతెత్తు పర్వతం ఎక్కినా.. కిమ్ 'షూ'పై ఇసుమంతైనా మంచు అంటకపోవడం ఇప్పుడు అనేక ప్రశ్నలు లేవనెత్తేలా చేసింది.
పర్వతంపై కిమ్ ఫోటోలు :
కిమ్ పర్వతాన్ని ఎక్కాడు అనడానికి సాక్ష్యంగా అక్కడి మీడియా కొన్ని ఫోటోలను విడుదల చేసింది. అయితే అంతెత్తు మంచు కొండను ఎక్కినా.. అతని ముఖంలో ఎలాంటి అలసట కనిపించకపోవడం.. బూట్లకు మంచు కూడా అంటుకోకపోవడంపై అనుమానాలు వ్యక్తమవుతున్నాయి. ఇదే పర్వతంపై కిమ్ జాంగ్ తాత జన్మించినట్లు.. ఆ సమయంలో ఆకాశంలో రెండు ఇంధ్రదనుస్సులు ఏర్పడినట్లు అక్కడో ప్రచారం ఉంది.
నిజంగా అంత సాహసం చేశాడా?
మూడేళ్లకు కిమ్ జాంగ్ డ్రైవింగ్ నేర్చుకున్నారన్న ప్రచారం ఉన్న నేపథ్యంలో.. నిజంగా కిమ్ జాంగ్ ఇంత సాహసం చేసి ఉంటాడా? అన్న ప్రశ్న తలెత్తుతోంది. చూడటానికి చబ్బీగా.. నిధానంగా నడిచే వ్యక్తిలా కనిపించే కిమ్ జాంగ్.. అంతెత్తు పర్వతాన్ని ఎక్కడం నిజంగా సాధ్యమేనా?.., వాస్తవాలు అక్కడి మీడియాకు, కిమ్ జాంగ్ కే తెలియాలి అన్న అభిప్రాయాలు వ్యక్తమవుతున్నాయి.
హోటల్ నిర్మాణమా?:
ఇంతకీ ఇప్పుడు కిమ్ జాంగ్ పేక్టు పర్వతం ఎందుకు ఎక్కినట్లు అని ఆరా తీస్తే.. అక్కడో హోటల్ నిర్మించాలనే ప్రయత్నంలో ఉన్నారట. ఇందుకోసం ఇప్పటికే అధికారులకు ఆదేశాలు కూడా జారీ చేశారని తెలుస్తోంది. అయితే ఇక్కడ హోటల్ నిర్మాణం ఎందుకనే దానిపై కూడా స్పష్టత లేదు.
దాని పక్కనే అగ్నిపర్వతం:
చైనా సరిహద్దులో ఉన్న పేక్డు పర్వతాన్ని ఉత్తరకొరియన్లు అత్యంత పవిత్రమైనదిగా భావిస్తారు. ఈ పర్వతానికి సమీపంలోనే మరో ప్రమాదకర అగ్నిపర్వతం కూడా ఉంది. ఉ.కొరియా ప్రయోగాల నేపథ్యంలో ఈ అగ్నిపర్వతం ఎక్కడ బద్దలవుతుందోనన్న ఆందోళన కూడా ఉంది. 1000ఏళ్ల క్రితం ఈ పర్వతం బద్దలైనప్పుడు.. ఆ బూడిదంతా ఉత్తర జపాన్ ప్రాంతాన్ని కమ్మేసినట్లు చెబుతారు.
