ఉ.కొరియా దెబ్బ: హైడ్రోజన్‌ బాంబుకు కుప్పకూలిన పర్వతం

ప్యాంగ్యాంగ్: అణుపరీక్షలు, క్షిపణుల పరీక్షలతో ప్రపంచాన్ని ఉత్తరకొరియా వణికిస్తోంది. ఇటీవల ఉత్తరకొరియా పరీక్షించిన హైడ్రోజన్ బాంబు శక్తి మామూలుది కాదని నిపుణులు అభిప్రాయపడుతున్నారు, ఈ బాంబు దెబ్బకు పర్వతాలు కుప్పకూలిపోయిందని నిపుణులు ప్రకటించారు.

గత ఆదివారం రోజున ఉత్తర కొరియా ప్యుంగే-రి ప్రాంతంలో హైడ్రోజన్ బాంబును పరీక్షించింది.ఈ బాంబు శక్తి మామూలుగా లేదని '38 నార్త్' అనే విశ్లేషణ సంస్థ పేర్కొంది. దాని దెబ్బకు కొండలు పిండి అయిపోయాయని తెలిపింది.

ఆ ప్రాంతంలో తీసిన తాజా చిత్రాలను గత చిత్రాలతో పోల్చి చూసినప్పుడు ఈ విషయం బయటపడిందని సంస్థ పేర్కొంది. బాంబు దెబ్బకు కొండచరియలు విరిగిపడ్డాయని, ఆ ప్రాంతం చిందరవందరగా మారిందని సంస్థ వివరించింది.

ప్యుంగే-రి ప్రాంతంలో ఉత్తర కొరియా మొత్తం ఆరు అణుపరీక్షలు నిర్వహించింది. హైడ్రోజన్ బాంబు పరీక్ష అనంతరం ఆదివారం తర్వాత తీసిన ఈ ప్రాంతంలోని చిత్రాలు బాంబు శక్తిని తెలియజేస్తున్నాయని ప్రకటించింది.

పేలుడు ధాటికి మాన్‌టాప్ పర్వతం దాదాపు ధ్వంసమైందని పేర్కొంది. ఉత్తర కొరియా గత పరీక్షల్లో ఇంతటి విధ్వంసం జరగలేదని '38 నార్త్' వివరించింది.

English summary

NORTH Korea’s provocative nuclear testing may not necessarily lead to war. But there may be another catastrophic risk: the mountain beneath which it has exploded six bombs may be on the point of collapse.