ఉక్రెయిన్ పై రష్యా సైబర్ దాడులు; ఉక్రెయిన్ రక్షణ, హోంశాఖ సైట్లతో పాటు 70ప్రభుత్వ సైట్లు క్రాష్

ఉక్రెయిన్ పై రష్యా యుద్ధ ప్రకటనకు ముందే రష్యా వ్యూహాత్మకంగా సైబర్ దాడులను ప్రారంభించింది. ఒకవైపు ఉక్రేనియన్ నగరాలు రష్యా దళాల నుండి వైమానిక దాడికి గురవుతున్న సమయంలో, రష్యా సైబర్ దాడుల కారణంగా ఉక్రెయిన్లోని రక్షణ శాఖ, హోంశాఖ వెబ్ సైట్లు మొరాయిస్తున్నాయి. అంతేకాదు ఉక్రెయిన్ దేశవ్యాప్తంగా పలు బ్యాంకులు, పలు ప్రభుత్వ వెబ్ సైట్లు క్రాష్ అయినట్టు తెలుస్తుంది. దీనిలో సుమారు 70 ఉక్రేనియన్ ప్రభుత్వ వెబ్‌సైట్‌లు క్రాష్ చేయబడ్డాయి. సైబర్ దాడులపై ఉక్రెయిన్ మరియు యునైటెడ్ స్టేట్స్ రష్యాను తీవ్రంగా తప్పుపట్టాయి.

పని చెయ్యని ఉక్రెయిన్ రక్షణ, విదేశీ మరియు అంతర్గత మంత్రిత్వ శాఖల వెబ్‌సైట్‌లు

ఉక్రెయిన్ రక్షణ, విదేశీ మరియు అంతర్గత మంత్రిత్వ శాఖల వెబ్‌సైట్‌లు గురువారం ఉదయం నుండి పనిచేయడం లేదు. ఈ వెబ్సైట్లలో లోడ్ చేయడం చాలా నెమ్మదిగా జరుగుతుంది. బుధవారం డి డి ఓ ఎస్ దాడులతో పాటు, సైబర్‌ సెక్యూరిటీ పరిశోధకులు వందలాది కంప్యూటర్‌లకు విధ్వంసక మాల్వేర్‌ సోకినట్లు చెప్పారు. ఇలా ఉక్రెయిన్ పై దాడులు కొనసాగితే పరిస్థితి ఏమిటని ఉక్రెయిన్ సైబర్ డిఫెన్స్ సెక్రటరీని ప్రశ్నించగా ఇక్కడ బాలిస్టిక్ మిసైల్స్ ఉన్నాయంటూ సమాధానమిచ్చారు. ఇదే సమయంలో ఇది భయంకరమైనది. దానిని ఆపడానికి మనకు ప్రపంచం అవసరం అని పేర్కొన్నారు.

రష్యా సైనిక చొరబాటుకు ముందే సైబర్ దాడులు

ఏదైనా రష్యా సైనిక చొరబాటుకు ముందు సైబర్ దాడులు జరుగుతాయని అధికారులు చాలా కాలంగా అంచనా వేస్తున్నారు. డి డి ఓ ఎస్ దాడుల సమ్మేళనం, జంక్ ట్రాఫిక్‌తో వెబ్‌సైట్‌లను చేరుకోలేనిదిగా మార్చడం, మాల్‌వేర్ ఇన్‌ఫెక్షన్‌లు రష్యా యొక్క సైబర్ కార్యకలాపాలలో భాగమని భావిస్తున్నారు. ఈఎస్ఈటీ రీసెర్చ్ ల్యాబ్స్, "దేశంలోని వందలాది మెషీన్‌లలో" ఇంతకు ముందు చూడని డేటా-వైపింగ్ మాల్వేర్‌ను బుధవారం గుర్తించినట్లు తెలిపింది. ఎన్ని నెట్‌వర్క్‌లు ప్రభావితమయ్యాయో స్పష్టంగా తెలియలేదని వెల్లడించింది.

ఈ దాడుల వెనుక పెద్ద సంస్థలు ఉన్నాయి: ఈఎస్ఈటీ రీసెర్చ్ ల్యాబ్స్

మాల్వేర్ దాని తుడిచిపెట్టే సామర్థ్యంలో విజయవంతమైందా అంటే, ఇది నిజంగానే జరిగిందని మరియు ప్రభావితమైన యంత్రాలు సైబర్ ఉచ్చులో చిక్కుకున్నాయి అని మేము భావిస్తున్నాము" అని ఈఎస్ఈటి రీసెర్చ్ చీఫ్ జీన్-ఇయాన్ బౌటిన్ చెప్పారు. అయితే ఈ సైబర్ దాడుల వెనుక ఎవరున్నారు అన్నది పేర్కొనలేదు కానీ అవి "పెద్ద సంస్థలు" ఉన్నాయని ఈఎస్ఈటీ రీసెర్చ్ ల్యాబ్స్ చీఫ్ వెల్లడించారు.

లాట్వియా మరియు లిథువేనియాలోనూ సైబర్ దాడులు

లాట్వియా మరియు లిథువేనియాలోని ఉక్రేనియన్ ప్రభుత్వ కాంట్రాక్టర్లు మరియు ఉక్రెయిన్‌లోని ఒక ఆర్థిక సంస్థ - వైపర్ మాల్వేర్ బారిన పడిన మూడు సంస్థలను సిమాంటెక్ థ్రెట్ ఇంటెలిజెన్స్ గుర్తించిందని దాని టెక్నికల్ డైరెక్టర్ విక్రమ్ ఠాకూర్ తెలిపారు. లాట్వియా మరియు లిథువేనియా రెండు దేశాలు నాటో సభ్యులు. వీటికి ఉక్రెయిన్ ప్రభుత్వంతో సన్నిహిత అనుబంధం ఉంది అని ఠాకూర్ చెప్పారు. ఇదే సమయంలో ఫైనాన్షియల్ అవుట్‌ఫిట్‌లోని దాదాపు 50 కంప్యూటర్లు ప్రభావితమయ్యాయని, విలువైన డేటా తుడిచిపెట్టుకుపోయాయని ఆయన చెప్పారు.

రష్యా సైబర్ దాడులకు నెలలకు ముందే ప్లాన్ చేస్తుందని చెప్పిన సైబర్ నిపుణుడు

బుధవారం వైపర్ దాడి గురించి అడిగినప్పుడు, జోరా ఎటువంటి వ్యాఖ్య చేయలేదు. మాల్వేర్ టైమ్‌స్టాంప్ డిసెంబర్ చివరిలో సృష్టించబడినట్లు సూచించిందని బౌటిన్ చెప్పారు. రష్యా దీన్ని నెలల తరబడి ప్లాన్ చేస్తోంది, కాబట్టి ఈ దాడులకు సన్నాహకంగా ఎన్ని సంస్థలు లేదా ఏజెన్సీలు బ్యాక్‌డోర్‌లో ఉన్నాయో చెప్పడం కష్టం" అని సైబర్‌ సెక్యూరిటీ సంస్థ సోఫోస్‌లోని ప్రధాన పరిశోధన శాస్త్రవేత్త చెస్టర్ విస్నీవ్స్కీ అన్నారు. క్రెమ్లిన్ క్రిమియాను స్వాధీనం చేసుకున్న 2014 నుండి మరియు ఎన్నికలను అడ్డుకోవడానికి హ్యాకర్లు ప్రయత్నించినప్పటి నుండి ఉక్రెయిన్‌లో రష్యా దూకుడుకు సైబర్‌ దాడులు కీలక సాధనంగా ఉన్నాయి. వారు 2007లో ఎస్టోనియా మరియు 2008లో జార్జియాకు వ్యతిరేకంగా కూడా సైబర్ దాడులకు పాల్పడ్డారు.

English summary

Russia launched strategic cyber attacks on Ukraine long before Russia declared war. Ukraine defense and home ministry sites are buzzing. 70 government sites crashed.