కొలంబియాలో విమానం కూలి 10 మంది మృతి... మృతుల్లో ఐదుగురు చిన్నారులు
న్యూఢిల్లీ: కొలంబియాలో విమానం కూలి 10 మంది మృతి చెందారు. మృతుల్లో ఐదుగురు చిన్నారులు ఉన్నారు. ఇద్దరు సిబ్బంది, 8 మంది ప్రయాణీకులతో విమానం కొలంబియా రాజధాని బొగోటా నుంచి బాహియా సోలనో వస్తుండగా ఈ ప్రమాదం సంభవించింది.
సిగ్నల్ మెకానికల్ ప్రాబ్లమ్ వల్ల మారిక్వైటా విమానాశ్రయం సమీపంలో విమానం కూలినట్లు అధికారులు తెలిపారు. అమెరికా పరిజ్ఞానంతో రూపొందించిన రెండు ఇంజన్ల పైపర్ PA-31 నవాజో విమానం అత్యవసర ల్యాండింగ్ అవుతున్న సమయంలో ఒక్కసారిగా కూలిపోవడంతో మంటలు చెలరేగాయని అధికారులు పేర్కొన్నారు.
ఈ విమానం ప్రైవేట్ ఏజెన్సీకి చెందినదిగా గుర్తించారు. ఘటన జరిగిన ప్రాంతానికి చేరుకున్న ఎమర్జెన్సీ వర్కర్స్ మృతదేహాలను తిరిగి స్వాధీనం చేసుకోగా... పోలీసులు ఈ ప్రమాదానికి ఖచ్చితమైన కారణం కోసం విచారణ ప్రారంభించారు.
Click it and Unblock the Notifications
Sign in with Google