ఫేస్బుక్లో కూతురు వ్యాఖ్యలు: అరకోటి చెల్లించిన తండ్రి
వివరాల్లోకి వెళితే.. పాట్రిక్ స్నే(69) ఫ్లోరిడాలోని గులివర్ ప్రిపరేటరీ స్కూల్లో ప్రధానోపాధ్యాయునిగా విధులు నిర్వహించి రిటైరయ్యారు. కాగా అతని కూతురు డానా అసంబద్ధంగా ఫేస్బుక్లో వ్యాఖ్యలు చేసింది. తన తండ్రి పాట్రిక్ స్నే ఓ కేసు విషయంలో గులివర్ స్కూల్పై గెలిచారని, అందు కోసం తన యూరప్ పర్యటనకు గులివర్ స్కూల్ డబ్బులు చెల్లిస్తుందని డానా తన ఫేస్బుక్ ఖాతాలో వ్యాఖ్యానించింది. వయసుకు సంబంధించిన కేసులో స్కూల్ యాజమాన్యం స్నేకు 80వేల డాలర్లు ఇచ్చేందుకు అంగీకరించింది.
అయితే డానా ఫేస్బుక్ ఖాతా వ్యాఖ్యాలను గులివర్ పాఠశాలకు చెందిన 1200 మంది విద్యార్థులు చదివారు. అంతేగాక వారందరూ మిగితా విద్యార్థులకు షేర్ చేశారు. దీంతో డానా వ్యాఖ్యాలను పాఠశాల యాజమాన్యం సీరియస్గా పరిగణించింది.
పాఠశాలకు చెందిన మాజీ ఉద్యోగి, ఆయన కుమార్తె కలిసి తమ మధ్య ఉన్న కేసు విషయంలో నిబంధనలను ఉల్లంఘించారని పాట్రిక్ స్నేపై మరో కేసు వేసింది. దీంతో కేసును ఉపసంహరించుకునేందుకు పాట్రిక్ స్నేకు ఆ పాఠశాల చెల్లించాల్సిన 80వేల డాలర్లను రద్దు చేసుకుంది. దీంతో తన కూతురు చేసిన వ్యాఖ్యలకు పాట్రిక్ స్నే 80వేల డాలర్లను కోల్పోవాల్సిన పరిస్థితి ఏర్పడింది.