తెలంగాణలో 44 మంది డీఎస్పీల బదిలీ..!

Updated: Saturday, June 28, 2025, 17:47 [IST]

తెలంగాణలో పోలీసు వ్యవస్థలో మరోసారి బదిలీల వ్యవహారం హాట్ టాపిక్ గా మారింది. రాష్ట్రవ్యాప్తంగా మొత్తం 44 మంది డిప్యూటీ సూపరింటెండెంట్లు ఆఫ్ పోలీస్ (డీఎస్పీ)లను బదిలీ చేస్తూ రాష్ట్ర డీజీపీ జితేందర్ ఉత్తర్వులు జారీ చేశారు.

ఈ మేరకు హైదరాబాద్‌, సైబరాబాద్‌, రాచకొండ కమిషనరేట్లు సహా ఇతర జిల్లాల్లో పనిచేస్తున్న డీఎస్పీలకు కొత్త నియామకాలు జరిగాయి. అలాగే, నల్గొండ, సూర్యాపేట, ఆదిలాబాద్‌, నిజామాబాద్‌, సంగారెడ్డి, ఖమ్మం, ములుగు, మేడ్చల్‌, మహబూబ్‌నగర్‌, కరీంనగర్‌ జిల్లాల్లో కూడా పలువురు డీఎస్పీలను స్థానాంతరం చేశారు. ప్రధాన బదిలీల వివరాలకు వస్తే..

వై. నాగేశ్వరరావు - సైబరాబాద్ సీసీఎస్‌ ఏసీపీగా కొనసాగుతున్న ఆయనను బదిలీ చేశారు.
ఆకుల చంద్రశేఖర్ - మహేశ్వరం ట్రాఫిక్ ఏసీపీగా ఉన్న ఆయనకు మరో బాధ్యత అప్పగించారు.
సంపత్‌కుమార్ - రాచకొండ కమాండ్ అండ్ కంట్రోల్ ఏసీపీగా ఉన్న ఆయనకు బదిలీ ఉత్తర్వులు జారీ చేశారు.

ఈ బదిలీలు కొన్ని చోట్ల పదవీకాలపు అనుభవం, సామర్ధ్యంపై అధ్యయనం, మరికొన్ని విభాగీయ అవసరాల దృష్ట్యా తీసుకున్న చర్యలుగా తెలుస్తోంది. ఈ డీఎస్పీలు కొత్తగా నియమితమైన ప్రాంతాల్లో త్వరితంగా బాధ్యతలు స్వీకరించాలని డీజీపీ జితేందర్ సూచించారు.