బాలాపూర్ లడ్డూకు రికార్డ్ ధర: రూ.16.60 లక్షలు, దక్కించుకున్న శ్రీనివాస్ గుప్తా

భాగ్యనగరంలో ఖైరతాబాద్ గణేషుడికి ఎంత ప్రాధాన్యత ఉందో బాలాపూర్ లడ్డూకు అంతే ప్రాధాన్యత ఉంటుంది. ఈ ఏడాది బాలాపూర్ లడ్డూ రూ.16.60 లక్షలు పలికింది. గత ఏడాది కంటే లక్ష రూపాయలు ఎక్కువ పలికింది. ఇప్పటి వరకు ఇది రికార్డ్ ధర. ఈ లడ్డూను దక్కించుకున్నవారు శ్రీనివాస్ గుప్తా. ఆర్యవైశ్య సంఘం తరఫున దీనిని దక్కించుకున్నారు.

ఈ గణేషుడి లడ్డూను ఎవరు దక్కించుకుంటారోనని అందరూ ఎదురు చూస్తుంటారు. ఈ లడ్డూకు ఏటికి ఏడు క్రేజ్ పెరుగుతోంది. గత 25 ఏళ్లుగా ఈ లడ్డూను వేలం వేస్తున్నారు. 1994లో రూ.450 పలికిన లడ్డూ, గత ఏడాది (2017) రూ.15.60 లక్షలు పలికింది. ఈసారి గతం కంటే లక్ష ఎక్కువ పలికింది.

ఈ సంవత్సరం బాలాపూర్ గణేష్ లడ్డూ వేలం కోసం డీడీ కట్టి రేసులో నిలిచిన వారు శ్రీనివాస్ రెడ్డి (ఆర్యవైశ్య సంఘం), పన్నాల కృష్ణారెడ్డి, కొలను రాంరెడ్డి, కుప్పిరెడ్డి విజయభాస్కర రెడ్డి, పోరెడ్డి తిరుమల్ రెడ్డి - ఎర్ర మహేశ్వరి, మన్నే బల్వంత్ రెడ్డి, భువనగిరి శ్రీనివాస్ బ్రదర్స్, లొక్క యాదిరెడ్డి, కళ్లెం ఎల్లారెడ్డి తదితరులు ఉన్నారు. చివరగా శ్రీనివాస్ రెడ్డి దక్కించుకున్నారు.

English summary

Balapur Laddu, which draws devotees to bid at high prices each year, was auctioned off at ₹16.6 lakh on Sunday. The highest bid for the laddu last year was ₹15.60.