కలెక్టర్ ప్రీతి-ఎమ్మెల్యే శంకర్ ఇష్యూ: కేసీఆర్‌ను లాగిన రేవంత్ రెడ్డి

మహబూబాబాద్ కలెక్టర్ ప్రీతి మీనాపై దురుసుగా ప్రవర్తించిన ఎమ్మెల్యే శంకర్ నాయక్ పైన నిర్భయ కేసు పెట్టి జైలుకు పంపించాలని తెలుగుదేశం పార్టీ శాసన సభాపక్ష నేత రేవంత్ రెడ్డి గురువారం డిమాండ్ చేశారు.

హైదరాబాద్: మహబూబాబాద్ కలెక్టర్ ప్రీతి మీనాపై దురుసుగా ప్రవర్తించిన ఎమ్మెల్యే శంకర్ నాయక్ పైన నిర్భయ కేసు పెట్టి జైలుకు పంపించాలని తెలుగుదేశం పార్టీ శాసన సభాపక్ష నేత రేవంత్ రెడ్డి గురువారం డిమాండ్ చేశారు.

ముఖ్యమంత్రి కేసీఆర్‌కు చిత్తశుద్ధి ఉంటే వెంటనే ఆయనను పార్టీ నుంచి బహిష్కరించాలని డిమాండ్ చేశారు. తమ డిమాండ్లకు స్పందించకుంటే మహిళా కమిషన్‌కు ఫిర్యాదు చేస్తామని హెచ్చరించారు.

ఓ మహిళా అధికారిని ఓ పార్టీ ఎమ్మెల్యే అవమానించినందుకు గాను, ఆ పార్టీ అధ్యక్షుడిగా ముఖ్యమంత్రి కల్వకుంట్ల చంద్రశేఖర రావు కలెక్టర్‌కు క్షమాపణలు చెప్పాలని డిమాండ్ చేశారు. ఈ వ్యవహారంలో కేసీఆర్ స్పందన దారుణంగా ఉందన్నారు.

ఘటన విషయం తెలిసి ఉప ముఖ్యమంత్రి కడియం శ్రీహరి, మంత్రి చందూలాల్‌లను పురమాయించడం విడ్డూరమన్నారు. శంకర్ నాయక్ పైన సాధారణ సెక్షన్ల కింద కేసు పెట్టి కేసును నీరుగార్చుతున్నారన్నారు.

స్టేషన్ బెయిల్ ఇచ్చి నిందితులను ప్రోత్సహిస్తున్నారన్నారు. శంకర్ నాయక్‌ను పార్టీ నుంచి సస్పెండ్ చేయకుంటే కేసీఆర్ ప్రోత్సహించినట్లే అవుతుందన్నారు.

English summary

A ruling Telangana Rashtra Samiti MLA, B Shankar Nayak, was embroiled in a controversy on Wednesday after he was charged with molestation by a woman collector during the launch of the third phase of Haritha Haram programme.