మమ్మల్నేఅంటారా, చంద్రబాబు భద్రత మాదే: కేటీఆర్

హైదరాబాద్: ఆంధ్రప్రదేశ్ ముఖ్యమంత్రి, తెలుగుదేశం పార్టీ అధ్యక్షులు నారా చంద్రబాబు నాయుడు పైన తెలంగాణ రాష్ట్ర మంత్రి కల్వకుంట్ల తారక రామారావు మంగళవారం తీవ్రస్థాయిలో మండిపడ్డారు. హైదరాబాదులో ఆందోళన చేస్తున్న అంగన్వాడీలను తాము అడ్డుకోకముందే అడ్డుకున్నామని చంద్రబాబు చెప్పడం సరికాదని ధ్వజమెత్తారు.

చంద్రబాబు నాయుడు ప్రస్తుతం తమ అతిథి అన్నారు. ఆయన భద్రత తమదే అన్నారు. చంద్రబాబు ఫాం హౌస్ వద్ద భద్రత కూడా తమదే అన్నారు. ఆయన ఫాంహౌస్ వద్ద సెక్యూరిటీ భోజనాలు కూడా తమవేనని చెప్పారు. అయితే, అంగన్వాడీ కార్యకర్తలను అడ్డుకోకపోయినా అడ్డుకున్నారని తమ పైన విమర్శలు చేయడం ఏమాత్రం సరికాదన్నారు.

అంతకుముందు చంద్రబాబు ఏపీ శాసన సభలో మాట్లాడుతూ... హైదరాబాదులో శాంతిభద్రత సమస్య తమ ప్రభుత్వానిది కాదని, తెలంగాణ ప్రభుత్వానిదన్నారు. హైదరాబాదు శాంతిభద్రతలు తెలంగాణ రాష్ట్రం చేతుల్లో ఉన్నాయని చెప్పారు. అంగన్వాడీల అరెస్టులు తమ ప్రభుత్వం నిర్ణయం కాదని చెప్పారు.

English summary

Responsibility of Chandrababu's security is ours: KTR