బాలికపై అత్యాచార యత్నం.. ఆపై అపార్ట్ మెంట్ నుండి తోసేసి.. ఖమ్మంలో దారుణం!
మహిళలు, బాలికల కోసం ఎన్ని రక్షణా చట్టాలు వచ్చినా నేటికీ సమాజంలో మహిళలు, పిల్లలు లైంగిక వేధింపులను ఎదుర్కొంటూనే ఉన్నారు. ఎన్ని కఠిన చట్టాలు ఉన్నా, దోషులకు కఠిన శిక్షలు పడుతున్నా పరిస్థితులలో ఏ మాత్రం మార్పు లేదు. తాజాగా ఖమ్మం నగరంలో అత్యంత దారుణమైన మరియు మనస్తాపం కలిగించే సంఘటన ఒకటి ఆలస్యంగా వెలుగులోకి వచ్చింది.
మైనర్ బాలికపై లైంగిక దాడి యత్నం
కేవలం 12 ఏళ్ల వయసున్న ఒక మైనర్ బాలికపై ఒక కిరాతకుడు లైంగిక దాడికి ఒడిగట్టడమే కాకుండా, ఆమె ప్రాణాలను సైతం ప్రమాదంలోకి నెట్టేసిన ఉదంతం స్థానికంగా తీవ్ర కలకలం రేపింది. ఖమ్మం రెండో పట్టణ పోలీస్ స్టేషన్ పరిధిలోని ఒక అపార్ట్మెంట్లో ఈ ఘోరం జరిగింది. బాధిత బాలిక తల్లిదండ్రులు సదరు అపార్ట్మెంట్ వద్ద వాచ్మెన్ గా విధులు నిర్వహిస్తూ జీవనం సాగిస్తున్నారు.
గట్టిగా అరవటంతో అపార్ట్ మెంట్ పైనుండి క్రిందికి తోసేసిన దారుణం
జూన్ 6వ తేదీన అదే అపార్ట్మెంట్లో నివాసముంటున్న ఒక వ్యక్తి, ఒంటరిగా ఉన్న ఆ బాలికపై లైంగిక దాడికి పాల్పడటానికి ప్రయత్నించాడు. అయితే తను ఏమాత్రం ఊహించని ఈ ప్రమాదం నుండి తనను తాను రక్షించుకోవడానికి ఆ బాలిక తీవ్రంగా భయపడి గట్టిగా కేకలు వేసింది. ఆమె అరుపులకు ఎక్కడ దొరికిపోతానో అన్న భయంతో, ఆ కిరాతకుడు ఆమెను అపార్ట్మెంట్ పైభాగం నుండి కిందికి దారుణంగా తోసేశాడు.
బాలిక వెన్నెముక, పక్కటెముకలకు తీవ్ర గాయాలు
భవనం పైనుంచి కిందపడటంతో ఆ చిన్నారికి తీవ్రమైన గాయాలయ్యాయి. ముఖ్యంగా ఆమె వెన్నెముక మరియు పక్కటెముకలు విరిగిపోవడంతో తీవ్ర రక్తస్రావమై స్పృహతప్పి పడిపోయింది. అయితే ఆ బాలిక చనిపోతే తన గురించి ఎవరికీ చెప్పలేదని, ప్రమాదవశాత్తు పడినట్టు చిత్రీకరించవచ్చని సదరు మృగాడు భావించాడు.
పోలీసులకు ఫిర్యాదు.. కేసు నమోదు
కానీ బాలిక తీవ్ర గాయాలతో ఆస్పత్రిలో చేరింది. ప్రమాదాన్ని గమనించిన కుటుంబ సభ్యులు, స్థానికులు కలిసి ఆమెను తక్షణమే ఖమ్మంలోని ఒక ప్రైవేట్ ఆసుపత్రికి తరలించారు. ప్రస్తుతం ఆమె అక్కడ అత్యవసర విభాగంలో చికిత్స పొందుతోంది. బాధిత కుటుంబ సభ్యుల ఫిర్యాదు మేరకు రెండో పట్టణ పోలీసులు నిందితుడిపై పోక్సో తో పాటు, సంబంధిత సెక్షన్ల కింద కేసు నమోదు చేసి, దర్యాప్తును వేగవంతం చేశారు.
Click it and Unblock the Notifications
Sign in with Google