అమెరికాలో 4గురు తెలుగు విద్యార్థుల మృతి

By Pratap

Published: Monday, May 9, 2011, 9:32 [IST]

అమెరికాలో దారుణం చోటు చేసుకుంది. ఓ రోడ్డు ప్రమాదంలో నలుగురు తెలుగు విద్యార్థులు అసువులు బాశారు. మరో విద్యార్థి తీవ్రంగా గాయపడి ఆస్పత్రిలో చికిత్స పొందుతున్నాడు. అమెరికాలోని సెయింట్ లూయీ మిసోరి ప్రాంతంలో ఈ ప్రమాదం సంభవించింది. వారు ప్రయాణిస్తున్న కారు డివైడర్‌ను ఢీకొట్టడంతో ఈ ప్రమాదం జరిగినట్లు తెలుస్తోంది. మరణించిన నలుగురు విద్యార్థులు కూడా ఆంధ్రప్రదేశ్‌లోని వివిధ ప్రాంతాలకు చెందినవారు. వీరంతా సెయిట్ లూయిలోని రోలా విశ్వవిద్యాలయంలో ఎంఎస్ చేస్తున్నారు.

రోడ్డు ప్రమాదంలో మరణించిన విద్యార్థులను సృజన్ రెడ్డి, ధీరజ్, శ్రీకాంత్, శ్రీహర్షలుగా గుర్తించారు. బొట్టు మురళి అనే విద్యార్థి తీవ్రంగా గాయపడి ఆస్పత్రిలో చికిత్స పొందుతున్నాడు. కారును మురళి నడిపినట్లు సమాచారం. సృజన్ రెడ్డిది కరీంనగర్ జిల్లా కాగా, శ్రీహర్షది విశాఖపట్నం జిల్లా అని తెలుస్తోంది. ధీరజ్, శ్రీకాంత్‌లది హైదరాబాద్ అని సమాచారం. మురళి కాణిపాకానికి చెందినవాడని అంటున్నారు.

Published On May 9, 2011