లండన్‌లో భారత న్యాయ విద్యార్థి నిరాహార దీక్ష

భారత రాజధాని డిల్లీలోని రామ్‌లీలా మైదానంలో అన్నా హజారే అవినీతికి వ్యతిరేకంగా దీక్ష చేస్తున్న నేపథ్యంలో లండన్‌లో న్యాయవిద్య అభ్యసిస్తున్న భారత విద్యార్థి అక్కడే నిరాహార దీక్షకు దిగాడు. 28 ఏళ్ల అవినాష్ దాఢిచ్ మధ్య లండన్‌లోని అల్దీవిచ్‌లో గల భారత హై కమిషనర్ కార్యాలయం ముందు ఆ విద్యార్థి నిరాహార దీక్షకు దిగాడు. భారత జాతీయ పతాకను ప్రతిబింబించే కుర్తా, స్కార్ఫ్ ధరించి అతను దీక్షలో కూర్చున్నాడు. గత నాలుగు రోజులుగా అతను దీక్షలో ఉన్నాడు.

అతను గాంధేయవాది ఏమీ కాడు. అలా అంటే అది చాలా ఫ్యాన్సీ విషయమని అంటున్నాడు. వేల్స్‌లో బంగోర్ విశ్వవిద్యాలయంలో అనతు న్యాయశాస్త్రంలో పిహెచ్‌డి చేస్తున్నాడు. వేలాది మంది అవినీతికి వ్యతిరేకంగా భారతదేశంలో వీధుల్లోకి వచ్చిన నేపథ్యంలో స్ఫూర్తి పొంది అతను ఈ దీక్షకు దిగాడు. ప్రభుత్వం తమ మాటలు వినడం లేదని, తాము నిస్సహాయులమని ఆయన అంటున్నాడు.

అవినాష్ రాజస్థాన్‌లోని చిన్న గ్రామం అరక్షర్‌కు చెందినవాడు. భారత గ్రామీణ ప్రాంతంలో అవినీతి ఎక్కువగా ఉందని అతను అభిప్రాయపడుతున్నాడు. ఎవరికీ బాధ్యత లేకపోవడం వల్ల అలా ఉందని అతను అంటున్నాడు. తన దీక్షకు అన్నా హజారే స్ఫూర్తి అయినప్పటికీ అతనికి తన తండ్రి మూల్ చంద్ శర్మ హీరో. గ్రామంలో మొదటి గ్రాడ్యుయేట్ ఆయనే.

English summary

Like Anna Hazare, 28-year-old Avinash Dadhich is also from a small village in India. And like Anna, he too is frustrated by corruption in India. "Enough is enough," he said. As Anna continues his 15-day hunger strike at Ramlila Maidan, supporting him nearly 5,000 miles away, Avinash sits on his hunger strike outside the Indian High Commission at Aldwych in central London.