పేరెంట్స్ దాష్టీకం: వ్యభిచారం చేయాలని కూతురిపై ఒత్తిడి

సంగారెడ్డి: కన్నకూతురినే వ్యభిచార కూపంలోకి దించాలనే కిరాతకమైన తల్లిదండ్రుల ఉదంతం వెలుగులోకి వచ్చింది. సవతి తల్లి, కన్నతండ్రి కలిసి కూతుర్ని వ్యభిచార కూపంలోకి దింపాలని ప్రయత్నించారు. మెదక్ జిల్లా సిద్దిపేటకు చెందిన 21 ఏళ్ల యువతి తల్లి చాలాకాలం క్రితం మరణించింది. ఆమె తండ్రి రెండోపెళ్లి చేసుకున్నాడు.

రెండో భార్యతో కలిసి అతను పదోతరగతి చదివిన కూతురిని వ్యభిచారం రొంపిలోకి దించాలని ప్రయత్నించారు. దీంతో ఆమె ఇంటినుంచి పారిపోయి హైదరాబాద్‌లోని ఓ హాస్టల్‌లో తలదాచుకుంది. ఓ స్వచ్ఛంద సంస్థ ద్వారా పోలీసులకు సమాచారం అందించారు. దీంతో తల్లిదండ్రులను పీఐటీ చట్టం కింద అరెస్టుచేశారు.

అప్పుల బాధతో మెదక్, కరీంనగర్ జిల్లాల్లో ఇద్దరు రైతులు ఆత్మహత్య చేసుకున్నారు. మెదక్ జిల్లా వెల్దుర్తికి చెందిన రైతు కొప్పాల నాగులు (30) వరుసగా దిగుబడులు దెబ్బతినడంతో సాగు కోసం చేసిన అప్పులు పెరిగి పోయాయి. రుణదాతల నుంచి ఒత్తిడి అధికం కావడంతో మనస్తాపం చెందిన నాగులు సోమవారం తన పొలం వద్ద చెట్టుకు ఉరివేసుకున్నాడు.

కరీంనగర్ జిల్లా జమ్మికుంట మండలం రాచపల్లి గ్రామానికి చెందిన రైతు పంజాల సమ్మయ్య (42) తనకున్న మూడెకరాల్లో సాగు కోసం అప్పులు చేశాడు. మూడేళ్లుగా వరుసగా దిగుబడులు దెబ్బతినడంతో పాటు గతేడాది తన పొలంలో బావి తవ్వడం కోసం చేసిన అప్పులు కలసి మోపెడయ్యాయి. ఈ ఖరీఫ్‌లో వరి నాట్లు వేసిన సమయ్యకు రుణదాతల నుంచి ఒత్తిళ్లు అధికమయ్యాయి. దీంతో సమయ్య సోమవారం తన పొలంలోనే పురుగుల మందు తాగాడు.

English summary

Parents put pressure on their daughter to do prostitution. this incident took place at Siddipet of Medak district.