జనవరి 2026 స్పెషల్: రూ.25,000 లోపు బెస్ట్ కెమెరా ఉండే టాప్ ఫోన్లు ఇవే..!

మారుతున్న కాలానుగుణంగా స్మార్ట్‌ఫోన్ వినియోగదారులకు కెమెరా చాలా ముఖ్యమైన విషయంగా మారింది. ముఖ్యంగా సోషల్ మీడియా, వీడియో కంటెంట్, రోజువారీ ఫోటోగ్రఫీ కోసం మంచి కెమెరా సామర్థ్యం తప్పనిసరి అయింది. ఈ అవసరాలను దృష్టిలో ఉంచుకుని రూ.25,000 బడ్జెట్‌లో అద్భుతమైన కెమెరా, డిస్‌ప్లే, ప్రాసెసర్, బ్యాటరీ పనితీరుతో కూడిన ఐదు స్మార్ట్‌ఫోన్‌ల జాబితా మీకోసం ప్రత్యేకంగా..

ఈ జాబితాలో Realme 15T, Vivo Y400, iQOO Z10R, OnePlus Nord CE 5, Motorola Edge 60 Fusion వంటి ప్రముఖ బ్రాండ్‌ల మోడళ్లు ఉన్నాయి. ఈ ఫోన్‌లు కేవలం కెమెరాకే పరిమితం కాకుండా, ప్రీమియం డిజైన్, పవర్‌ఫుల్ ప్రాసెసర్, లాంగ్ లాస్టింగ్ బ్యాటరీ వంటి ఫీచర్లతో వినియోగదారులను ఆకట్టుకుంటున్నాయి.

Realme 15T (ధర: ₹22,999)

Realme 15T ఫోటోగ్రఫీ ప్రేమికులకు ప్రత్యేక ఆకర్షణగా నిలుస్తుంది. ఈ ఫోన్ వెనుక భాగంలో 50MP ప్రధాన కెమెరాతో పాటు 2MP డెప్త్/మాక్రో సెన్సార్‌ను కలిగి ఉంది. ముఖ్యంగా సెల్ఫీ ప్రేమికుల కోసం ముందు భాగంలోనే 50MP హై-రిజల్యూషన్ కెమెరాను అందించడం ఈ ఫోన్ ప్రత్యేకత.

డిస్‌ప్లే విషయానికి వస్తే, 6.57 అంగుళాల AMOLED స్క్రీన్, 120Hz రిఫ్రెష్ రేట్, 4000 నిట్స్ పీక్ బ్రైట్‌నెస్‌తో అద్భుతమైన విజువల్ అనుభవాన్ని అందిస్తుంది. Mediatek Dimensity 6400 Max ప్రాసెసర్‌తో పనిచేసే ఈ ఫోన్ రోజువారీ పనులతో పాటు గేమింగ్‌కూ అనుకూలంగా ఉంటుంది. 7000mAh భారీ బ్యాటరీ, 60W ఫాస్ట్ ఛార్జింగ్ సపోర్ట్ దీన్ని దీర్ఘకాల వినియోగానికి మరింత అనువుగా మారుస్తాయి.

Vivo Y400 (ధర: ₹22,999)

స్టైలిష్ డిజైన్‌తో పాటు బ్యాలెన్స్‌డ్ ఫీచర్లను కోరుకునే వారికి Vivo Y400 మంచి ఎంపిక. ఇది 6.67 అంగుళాల AMOLED డిస్‌ప్లేతో వస్తుంది, 120Hz రిఫ్రెష్ రేట్, 1800 నిట్స్ బ్రైట్‌నెస్‌తో స్పష్టమైన విజువల్స్‌ను అందిస్తుంది.

ఫోటోగ్రఫీ విభాగంలో 50MP ప్రధాన కెమెరా, 2MP సహాయక సెన్సార్‌తో కూడిన డ్యూయల్ కెమెరా సెటప్ ఉంది. ముందు భాగంలో 50MP సెల్ఫీ కెమెరా ఉండడం వల్ల వీడియో కాల్స్, సోషల్ మీడియా కంటెంట్ మరింత షార్ప్‌గా కనిపిస్తాయి. Snapdragon 4 Gen 2 ప్రాసెసర్‌తో పనిచేసే ఈ ఫోన్ పవర్ ఎఫిషియెన్సీకి ప్రసిద్ధి. 7000mAh బ్యాటరీ, 60W ఫాస్ట్ ఛార్జింగ్ దీన్ని రోజంతా వినియోగానికి సిద్ధంగా ఉంచుతుంది.

OnePlus Nord CE 5 (ధర: ₹22,999)

ప్రీమియం అనుభూతిని కోరుకునే వినియోగదారులకు OnePlus Nord CE 5 సరైన ఎంపిక. ఈ ఫోన్ 6.77 అంగుళాల ఫ్లూయిడ్ AMOLED డిస్‌ప్లేను కలిగి ఉంది. 1 బిలియన్ రంగులు, 120Hz రిఫ్రెష్ రేట్, 1430 నిట్స్ బ్రైట్‌నెస్‌తో సినిమాలు, గేమ్స్, వీడియో స్ట్రీమింగ్‌కు అద్భుతమైన అనుభవాన్ని ఇస్తుంది.

కెమెరా సెటప్‌లో 50MP ప్రధాన సెన్సార్, 8MP అల్ట్రా వైడ్ లెన్స్ ఉన్నాయి. ముందు భాగంలో 16MP సెల్ఫీ కెమెరా ఉంది. Mediatek Dimensity 8350 Apex చిప్‌సెట్‌తో ఈ ఫోన్ వేగవంతమైన పనితీరును అందిస్తుంది. 7100mAh భారీ బ్యాటరీ, 80W సూపర్ ఫాస్ట్ ఛార్జింగ్ OnePlus బ్రాండ్‌కు ప్రత్యేక బలంగా నిలుస్తాయి.

Motorola Edge 60 Fusion (ధర: ₹22,999)

Motorola Edge 60 Fusion కెమెరా, డిస్‌ప్లే పరంగా బలమైన ప్యాకేజ్‌ను అందిస్తుంది. వెనుక భాగంలో 50MP ప్రైమరీ కెమెరా, 13MP అల్ట్రా వైడ్ సెన్సార్ ఉన్నాయి. ముందు భాగంలో 32MP సెల్ఫీ కెమెరా ఉండటం వల్ల క్లియర్ సెల్ఫీలు, వీడియో కాల్స్ సాధ్యం.

ఈ ఫోన్ 6.67 అంగుళాల P-OLED డిస్‌ప్లేతో వస్తుంది. 120Hz రిఫ్రెష్ రేట్, 1 బిలియన్ రంగుల సపోర్ట్‌తో కంటెంట్ వీక్షణ మరింత ఆకర్షణీయంగా ఉంటుంది. Mediatek Dimensity 7400 ప్రాసెసర్‌తో పనిచేసే ఈ డివైస్ రోజువారీ వినియోగం, మల్టీమీడియా, లైట్ గేమింగ్‌కు సరిపోతుంది. క్లీన్ ఆండ్రాయిడ్ అనుభవం Motorola ఫోన్‌లకు అదనపు ప్లస్ పాయింట్.

25,000 లోపు సెగ్మెంట్‌లో ఈ స్మార్ట్‌ఫోన్‌లు కెమెరా పనితీరుతో పాటు డిస్‌ప్లే, బ్యాటరీ, ప్రాసెసర్ పరంగా మంచి సమతుల్యతను అందిస్తున్నాయి. సెల్ఫీ లవర్స్, సోషల్ మీడియా కంటెంట్ క్రియేటర్స్, రోజువారీ వినియోగదారులు తమ అవసరాలను బట్టి ఈ ఫోన్‌లలో ఏదైనా ఎంచుకోవచ్చు. మంచి కెమెరా అనుభవాన్ని బడ్జెట్‌లోనే కోరుకునే వారికి ఇవి ఖచ్చితంగా మంచి ఛాయిస్ గా నిలుస్తాయి.

English summary

This article identifies five budget smartphones under ₹25 000 that balance strong camera performance with solid displays, efficient processors and long battery life. Models highlighted include Realme 15T, Vivo Y400, iQOO Z10R, OnePlus Nord CE 5 and Motorola Edge 60 Fusion, focusing on imaging quality and day-to-day usability.