శనిగ్రహంపై వెలుగుచూసిన 10 కోణాల వింత ఆకారం! స్పేస్లో మైండ్ బ్లోయింగ్ వింత..
స్పేస్ అంటేనే ప్రెడిక్ట్ చేయలేని ఒక పెద్ద మిస్టరీ. మన సోలార్ సిస్టమ్లో మోస్ట్ బ్యూటిఫుల్ ప్లానెట్ శనిగ్రహం (Saturn) పై ఒక మైండ్ బ్లోయింగ్ సీన్ బయటపడింది. ఇప్పటివరకు శనిగ్రహం పైన 6 సైడ్స్ ఉన్న హెక్సాగన్ షేప్ సుడిగుండం ఉందనే విషయం మనకి తెలుసు. అది ఓన్లీ అక్కడ మాత్రమే ఉందనుకున్న సైంటిస్టులకి బిగ్ షాక్ ఇస్తూ, ఇప్పుడు ప్లానెట్ సౌత్ పోల్ లో ఏకంగా 10 సైడ్స్ ఉన్న జెయింట్ 'డెకాగన్' షేప్ వాయు సుడిగుండం తయారవుతోందని నాసా హబుల్ టెలిస్కోప్ కన్ఫర్మ్ చేసింది.
ఈ విచిత్ర ఆకారాన్ని గుర్తించడంలో ప్రొఫెషనల్ సైంటిస్టుల కంటే ముందే నార్మల్ ఖగోళ ప్రియులు కీలక పాత్ర పోషించడం విశేషం. ప్లానెటరీ వర్చువల్ అబ్జర్వేటరీ ల్యాబోరేటరీ (PVOL)కి ఆస్ట్రేలియా, ఫ్రాన్స్ దేశాలకు చెందిన సాధారణ ఆస్ట్రోనమర్లు పంపిన ఫోటోల్లో ఈ 10 కోణాల ఆకారం తొలిసారి వెలుగులోకి వచ్చింది. వారి పరిశీలనను ఆధారంగా చేసుకుని స్పెయిన్కు చెందిన ప్రొఫెసర్ అగస్టిన్ సాంచెజ్ లావేగా నాయకత్వంలోని అంతర్జాతీయ పరిశోధక బృందం హబుల్ టెలిస్కోప్ సేకరించిన పాత డేటాను క్షుణ్ణంగా విశ్లేషించింది. ఈ పరిశోధన వివరాలు ప్రముఖ 'సైన్స్ అడ్వాన్సెస్' జర్నల్లో ప్రచురితమయ్యాయి.
ఏళ్ల తరబడి ఏర్పడుతున్న 'రూట్-లైన్'!
సైంటిస్టులు 2023 నుంచి హబుల్ సేకరించిన ఫోటోలను పరిశీలించగా, అప్పట్లోనే ఈ 10 కోణాల ఆకృతి చిన్నగా మొదలైనట్లు ఆధారాలు దొరికాయి. మొదట్లో మసకగా ఉన్న ఈ మూలలు, 2025 నాటికి చాలా స్పష్టమైన పది కోణాల ఆకారంగా మారిపోయాయి. అంటే, శనిగ్రహంపై ఒక భారీ వాయు వ్యవస్థ రూపుదిద్దుకునే ప్రక్రియను మానవాళి ప్రత్యక్షంగా చూసే అరుదైన అవకాశం ఇప్పుడు దక్కింది.
గంటకు వేల కిలోమీటర్ల వేగం.. అంతరిక్ష భౌతికశాస్త్ర వింత!
శనిగ్రహం సైజులో భూమి కంటే తొమ్మిది రెట్లు పెద్దది. కానీ, తన చుట్టూ తాను తిరగడానికి కేవలం 10.7 గంటల సమయం మాత్రమే తీసుకుంటుంది. ఈ అత్యంత వేగవంతమైన భ్రమణం వల్ల అక్కడ వీచే గాలులు ఒకదానికొకటి ఎదురెదురుగా అత్యంత వేగంతో ప్రవహిస్తాయి. ఈ క్రమంలో ఏర్పడే రోస్బీ తరంగాల ఘర్షణ వల్ల సాధారణ వృత్తాకారంలో ఉండాల్సిన గాలుల ప్రవాహం, ఇలా జ్యామితీయ ఆకారాల్లోకి (Polygon shapes) రూపాంతరం చెందుతుంది.
ఉత్తరానికీ.. దక్షిణానికీ తేడా ఏంటి?
శని ఉత్తర ధ్రువంలోని ఆరు కోణాల 'హెక్సాగన్' దాదాపు 40 ఏళ్లుగా స్థిరంగా ఒకే చోట ఉంది. 1980లలో వోయేజర్ రోదసిలోకి వెళ్లినప్పుడు దీనిని ఫోటో తీసింది. కానీ దక్షిణ ధ్రువంలోని ఈ కొత్త 'దశాకారం' మాత్రం స్థిరంగా ఉండకుండా, గంటకు సుమారు 9 కిలోమీటర్ల వేగంతో తూర్పు వైపుగా కదులుతోంది. గతంలో నాసా పంపిన 'కాసిని' ఉపగ్రహం 2017 వరకు శనిని పరిశీలించినా ఇది దొరకలేదంటే, ఇది ఇటీవల ఏర్పడిన సరికొత్త వాతావరణ మార్పుగా సైంటిస్టులు భావిస్తున్నారు.
జేమ్స్ వెబ్ సహాయంతో మరిన్ని పరిశోధనలు!
ఈ 10 కోణాల సుడిగుండం ఇంకా క్రమంగా మారుతూనే ఉంది. రాబోయే రోజుల్లో ఇది శాశ్వతంగా స్థిరపడుతుందా లేక క్రమంగా కదలిపోతుందా అనేదాన్ని పసిగట్టేందుకు సైంటిస్టులు హబుల్తో పాటు 'జేమ్స్ వెబ్' స్పేస్ టెలిస్కోప్ను ఉపయోగించనున్నారు. విశ్వంలో నిత్యం జరిగే వింతల్లో ఇదొక అద్భుత ఘట్టమని ఖగోళ శాస్త్రవేత్తలు హర్షం వ్యక్తం చేస్తున్నారు.
Click it and Unblock the Notifications
Sign in with Google