ముంబై ఇండియన్స్​ ఆల్ రౌండర్ కు బిగ్ షాక్- లీగ్ నుంచి ఏడాది బ్యాన్

ముంబై ఇండియన్స్ ప్లేయర్​, సౌతాఫ్రికా ఆల్​ రౌండర్ కార్బిన్ బాష్ కు భారీ షాక్ తగిలింది. అతడిని పాకిస్థాన్ క్రికెట్ బోర్డు, పాకిస్థాన్ సూపర్ లీగ్ నుంచి ఏడాది పాటు బ్యాన్ చేసింది. ఈ మేరకు సంచలన నిర్ణయం తీసుకుంది పాకిస్థాన్ క్రికెట్ బోర్డు. దీంతో కార్బిన్ బాష్ పాకిస్థాన్ సూపర్ లీగ్​ లో ఏడాది పాటు పాల్గొనలేడు.

కార్బిన్ బాష్ ను పాకిస్థాన్ క్రికెట్ బోర్డు బ్యాన్ చేయడానికి గల కారణం.. కార్బిన్ బాష్ ఇటీవల పీఎస్​ఎల్​ ఫ్రాంచైజీ అయిన పెష్​వార్ జల్మీకు ఎంపికయ్యాడు. అదే సమయంలో ముంబై ఇండియన్స్ ప్లేయర్ లిజార్డ్ విలియమ్స్ గాయం కారణంగా లీగ్ కు దూరం అయ్యాడు. దీంతో కార్బిన్ బాష్​ ను రీప్లేస్ మెంట్ గా తీసుకుంది.

అయితే పాకిస్థాన్ సూపర్ లీగ్, ఇండియన్ ప్రిమియర్ లీగ్ ఓకే సారి జరుగుతున్నాయి. ఈ రెండు టోర్నీలు ఒకేసారి జరుగుతుండడం వల్ల కార్బిన్ బాష్ ఐపీఎల్ కు అధిక ప్రాధాన్యం ఇచ్చాడు. ఈ క్రమంలో పీఎస్​ఎల్ నుంచి వైదొలగాలని నిర్ణయించుకున్నాడు. దీంతో ఒప్పందాన్ని ఉల్లంఘించినందుకు గాను పాకిస్థాన్ క్రికెట్ బోర్డు అతడికి లీగల్ నోటీసులు పంపింది. అలాగే కార్బిన్ ​పై ఏడాది నిషేధం విధించింది.

అయితే పాకిస్థాన్ క్రికెట్ బోర్డు తీసుకున్న నిర్ణయంపై కార్బిన్ బాష్ స్పందించాడు. పీఎస్​ఎల్ నుంచి వైదొలగినందుకు అక్కడి అభిమానులకు క్షమాపణలు చెప్పాడు. 'పాకిస్థాన్ సెలబ్రిటీ లీగ్ ను తక్కువ చేయడం నా ఉద్దేశం కాదు. ముంబై ఇండియన్స్ బలమైన ఐపీఎల్ జట్టు మాత్రమే కాదు. ఇతర లీగ్​ లో కూడా ముంబై ఫ్రాంచైజీలు ఉన్నాయి. అందుకే నా భవిష్యత్​ కోసం ఈ నిర్ణయం తీసుకున్నా' అని బాష్ పేర్కొన్నాడు.