Viral Video: నువ్వెంత అంటే నువ్వెంత ? భారత్-పాక్ మ్యాచ్ లో కొట్టుకున్న క్రికెటర్లు..!

ఇంగ్లండ్ లో జరుగుతున్న మహిళల టీ20 వరల్డ్ కప్ లో భాగంగా నిన్న చిరకాల ప్రత్యర్థులైన భారత్-పాకిస్తాన్ (India vs Pakistan) తలపడ్డాయి. ఈ మ్యాచ్ లో తొలుత బ్యాటింగ్ చేసిన భారత్ 170 పరుగుల టార్గెట్ ఇవ్వగా దీన్ని ఛేదించడంలో విఫలమైన పాకిస్తాన్ 106 పరుగులకే ఆలౌటైంది. దీంతో మహిళల టీ20 వరల్డ్ కప్ లో బోణీ చేసింది. అయితే ఈ మ్యాచ్ లో పలుసార్లు ఇరుదేశాల క్రికెటర్లు సై అంటే సై అనేలా కనిపించారు. అయితే మ్యాచ్ తర్వాత కొన్ని వీడియోలు బయటికి వచ్చాయి.

వీటిలో భారత్-పాక్ మహిళా క్రికెటర్లు నువ్వెంత అంటే నువ్వెంత అనేలా ఒకరిపై ఒకరు దూసుకెళ్లారు. నానా మాటలు అనుకున్నారు. ఈ సందర్భంగా పాకిస్తాన్ క్రికెటర్ ను ఓ భారత క్రికెటర్ గొంతు పట్టుకున్నట్లు కూడా వీడియో వైరల్ (viral video) అవుతోంది. దీంతో భారత్-పాక్ మధ్య జరిగిన మ్యాచ్ లో ఈ స్థాయి ఉద్రిక్తతలు తలెత్తాయా అన్న ప్రశ్నలు మొదలయ్యాయి. దీంతో ఈ వీడియోల్ని నిర్ధారించుకునేందుకు అందరూ ఫ్యాక్ట్ చెక్ చేయడం మొదలుపెట్టారు.

Things got tense in the middle as Harmanpreet Kaur and Fatima Sana Sheikh exchanged some heated words during the India vs Pakistan showdown. 😤🔥👀#INDvsPAK pic.twitter.com/62BZPjzkKr

— Faruk (@uf2151593) June 14, 2026

ఫ్యాక్ట్ చెక్ చేస్తే అసలు ఎడ్జ్ బాస్టన్ మైదానంలో అలాంటి ఘటనేదీ జరగలేదని తేలింది. కానీ ఈ ఘటన జరిగినట్లుగా కొందరు డీప్ ఫేక్ ద్వారా వీడియో క్రియేట్ చేసి సోషల్ మీడియాలోకి వదిలినట్లు తేలింది. ఇది తెలియక భారత్-పాక్ అభిమానులు ఇంటర్నెట్ లో పరస్పరం రెచ్చిపోతున్నారు. దీంతో కొందరు ఫ్యాక్ట్ చెకర్లు రంగంలోకి దిగి ఇది ఫేక్ వీడియోగా నిర్ధారిస్తూ పోస్టులు పెడుతున్నారు. అయితే ఆ లోపే ఈ వీడియో ప్రపంచాన్ని చుట్టేయడంతో అసలు క్రీడాభిమానులు తలపట్టుకుంటున్నారు.