'మెగా' పవర్ ఇప్పుడు 'చిరు'

హైదరాబాద్: రాజకీయ విశ్లేషకులు అనుకుంటున్న విధంగానే చిరంజీవి ప్రజాపార్టీ టెంపో బాగా తగ్గింది. చిరంజీవి రోడ్ షోలను బాగా కవర్ చేయడం వల్ల తమ పత్రికల సర్క్యులేషన్లు బాగా పెరుగుతున్నాయని ఆ రెండు పత్రికలు కొంత కాలం భావించాయి. ఆ తర్వాత పాత చింతకాయ పచ్చడి వంటి విశేషాలను ఆ పత్రికలు పరిమితికి మిం చి ప్రచురిస్తున్నాయన్న విషయాన్ని జనం గ్రహించినట్టున్నారు. ఇక చిరును పట్టుకుని భారీ లాభాలను ఆశించడం కష్టమని భావించిన ఈ ప్రధాన పత్రికలే చిరుకు యా భై సీట్లకు మించి రావడం కష్టమన్న విషయాన్ని బయట పెడుతున్నాయి.

నిర్మాత అశ్వనీదత్ ఎలాగైతే చిరంజీవితో సినిమాలు తీసినంత కాలం ఆయనతో ఉన్నారు. ఇప్పుడు చిరంజీవి సొంతంగా పార్టీ పెట్టుకుంటే అటువైపు కనీసం తొంగి చూడకుండా, తాను తెలుగుదేశం పార్టీ వాడినని సగర్వంగా చాటుకున్నారు. ఏ గూటి పక్షి ఆ పాట పాడుతుందన్నది మన సామెత. ఇక్కడ ఎవరు గొప్ప, ఎవరు తక్కువ అన్నది కాదు, అశ్వనీదత్ తన గూట్లోకి తాను వెళ్ళాడా లేదా అన్నదే చర్చనీయాంశం.

చిరంజీవి "ప్రజారాజ్యం" పార్టీ గురించి గతంలో కాంగ్రెస్ , తెలుగుదేశం పార్టీలకు ఉన్న భయాలు ఇప్పుడు తొలగిపోయినట్టే కన్పిస్తున్నాయి. ఇప్పుడు కాంగ్రెస్ తెలుగుదేశం పార్టీలు బాహాబాహీగా పోరాటం చేయడానికి సిద్ధమవుతున్నాయి. చిరంజీవి పార్టీ ఇంత తొందర్లో ఇలా నిర్వీర్యం కావడం రాజకీయ పరిశీలకులను ఆశ్చర్యంలో ముంచెత్తుతోంది.

ఇప్పుడు చిరంజీవి పార్టీ మూడో స్ధానానికి వెళ్ళిపోవడంతో కాంగ్రెస్, తెలుగుదేశం పార్టీలు తమ వ్యూహాలను తిరగరాసుకుంటున్నాయి. చిరంజీవి పార్టీకి చెందిన మేధావులు మాత్రం ఈ విషయాన్ని అంగీకరించనట్టు వ్యవహరిస్తున్నారు.