• search
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కిరణ్‌పై రెచ్చిపోయిన జగన్ క్యాంప్

By Pratap
|
YS Jagan
ఢిల్లీలో ముఖ్యమంత్రి కిరణ్ కుమార్ రెడ్డి చేసిన ప్రకటన విశాఖపట్నంలో వైయస్ జగన్ చేపట్టిన దీక్షా శిబిరంలో ప్రకంపనలు సృష్టించింది. కాంగ్రెసు పార్టీ టికెట్ మీద గెలిచి జగన్ వెంట వెళ్లడం అనైతికమని, అలా వెళ్లదలుచుకున్నవాళ్లు రాజీనామా చేసి మళ్లీ గెలవాలని కిరణ్ కుమార్ రెడ్డి సవాల్ చేశారు. దీనిపై జగన్ దీక్షలో పాల్గొన్న కాంగ్రెసు శాసనసభ్యులు తీవ్రంగా మండిపడ్డారు. కిరణ్ కుమార్ రెడ్డికి ప్రతిసవాల్ విసిరారు. శాసనసభ్యులు బాబూరావు, గుర్నాథరెడ్డి, కమలమ్మ, మేకపాటి చంద్రశేఖర రెడ్డి తదితరులు కిరణ్ కుమార్ రెడ్డిపై నిప్పులు చెరిగారు. తాము తలుచుకుంటే ప్రభుత్వం ఇరవై నాలుగు గంటలు కాదు కదా, క్షణాల్లో కూలిపోతుందని అన్నారు. దమ్ముంటే రాజీనామా చేయాలని, తాము కూడా రాజీనామా చేస్తామని వారు కిరణ్ కుమార్ రెడ్డిని సవాల్ చేశారు.

కిరణ్ కుమార్ రెడ్డిది తుమ్మితే ఊడిపోయే ముక్కు అని వారన్నారు. దమ్ముంటే రాజీనామా చేసి వైయస్ రాజశేఖర రెడ్డి ఫొటో లేకుండా గెలవాలని, సోనియా బొమ్మ మాత్రమే పెట్టుకోవాలని, తాము వైయస్ రాజశేఖర రెడ్డి ఫొటో పెట్టుకుని పోటీ చేస్తామని వారన్నారు. తమ సంఖ్యాబలం చూస్తే దిమ్మ తిరుగుతుందని వారన్నారు. ఈ ప్రభుత్వం డాక్టర్ వైఎస్ రాజశేఖర రెడ్డి దయపై ఏర్పడినదని, ఇది ఆయన భిక్ష అని పాయకరావుపేట ఎమ్మెల్యే గొల్ల బాబురావు అన్నారు. ఎమ్మెల్యేలు ఈ దీక్షకు రావడం అనైతికమని కిరణ్ కుమార్ రెడ్డి అనడాన్ని ఆయన ఖండించారు. అనైతికం ఎవరిదో ఈ ప్రభుత్వంలో ఉన్న మంత్రులు ఆలోచించాలన్నారు. ఈ ప్రభుత్వం వైఎస్ పెట్టిన భిక్ష అన్నారు. నాన్న తీసుకువచ్చిన ప్రభుత్వం, రాజీనామా చేయవద్దని జగన్మోహన రెడ్డి కోరినందునే తాము రాజీనామా చేయలేదన్నారు.

పెట్రోల్, నిత్యావసర సరుకుల ధరల పెంపునకు నిరసనగా జగన్ చేపట్టిన దీక్ష రాజకీయ దీక్షగా మారిపోయింది. రాజకీయ సవాళ్లకు జగన్ వర్గం నాయకులు ప్రాధాన్యం ఇచ్చారు. సమస్య పక్కదారి పట్టింది. వైయస్ రాజశేఖర రెడ్డిని, వైయస్ జగన్‌ను ప్రశంసించడానికి, కాంగ్రెసునూ తెలుగుదేశం పార్టీ అధ్యక్షుడు చంద్రబాబునూ విమర్సించడానికి వక్తలు ప్రాధాన్యం ఇచ్చారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని కిరణ్ కుమార్ రెడ్డి వార్తలుView All

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more