• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణ ఆశలపై నీళ్లు చల్లిన వైయస్ జగన్

By Pratap
|

YS Jagan
వైయస్సార్ కాంగ్రెసు పార్టీ అధ్యక్షుడు వైయస్ జగన్ తెలంగాణవాదులనే కాకుండా పార్టీ తెలంగాణ నాయకులను కూడా నిరాశ పరిచారు. నిజామాబాద్ జిల్లా ఆర్మూర్‌లో చేపట్టిన రైతు దీక్ష ముగింపు ప్రసంగంలో వైయస్ జగన్ తప్పకుండా తెలంగాణ అంశాన్ని ప్రస్తావిస్తారని అందరూ ఎదురు చూశారు. కానీ ఆయన అటువంటిదేమీ లేకుండానే తన ప్రసంగాన్ని ముగించారు. రైతులను నిర్లక్ష్యం చేసిన, మోసం చేసిన రాష్ట్ర ప్రభుత్వాన్ని, తెలుగుదేశం పార్టీ అధ్యక్షుడు నారా చంద్రబాబు నాయుడిని దుమ్మెత్తిపోయడానికే తన ప్రసంగాన్ని వాడారు. తన 25 నిమిషాల ప్రసంగంలో ఆయన తెలంగాణ ఊసు కూడా ఎత్తలేదు.

తెలంగాణపై జగన్ మరింత స్పష్టత ఇచ్చి ఉంటే, తెలంగాణలో పార్టీని బలోపేతం చేయడానికి అవసరమైన భూమిక రూపొంది ఉండేదని వైయస్సార్ కాంగ్రెసు పార్టీకి చెందిన కొంత మంది నాయకులు అంటున్నారు. తెలంగాణ ప్రజల మనోభావాలను గౌరవించి, తాము తెలంగాణలో జరిగే ఉప ఎన్నికల్లో పోటీ చేయడం లేదని మరోసారి చెప్పినా తమకు ఎంతో బలాన్ని ఇచ్చి ఉండేదని వారంటున్నారు. ముగింపు ప్రసంగంలో జగన్ తెలంగాణ ప్రస్తావన చేయకపోవడం వల్ల తాము తెలంగాణవాదుల నుంచి ఇబ్బందులు ఎదుర్కోక తప్పదని అంటున్నారు.

ఓ ప్రముఖ ఆంగ్ల దినపత్రిక స్థానిక రైతులతో మాట్లాడి వారి అభిప్రాయాలను తన వార్తాకథనంలో ఇచ్చింది. దాని ప్రకారం తెలంగాణకు చెందిన రైతులు జగన్ ప్రసంగంపై తీవ్ర నిరాశ వ్యక్తం చేసినట్లు ఆ వార్తాకథనాన్ని బట్టి అర్థమవుతోంది. అధికారంలోకి వచ్చిన తర్వాత చంద్రబాబు రైతులను మోసం చేశారని, జగన్ కూడా చంద్రబాబు దారి పట్టడనే నమ్మకం ఏమీ లేదని ఓ రైతు అన్నట్లు ఆ పత్రిక రాసింది. ఆర్మూర్‌కు సమీపంలోని ఆదిలాబాద్, కరీంనగర్ జిల్లాల నుంచి వైయస్సార్ కాంగ్రెసు నాయకులు వైయస్ జగన్ తుది రోజు ప్రసంగానికి పెద్ద యెత్తున యువకులను, మహిళలను బలవంతంగా తరలించారని ఆ పత్రిక రాసింది.

కాగా, వైయస్ జగన్ వెంట మొదటి నుంచీ నడుస్తున్న తెలంగాణకు చెందిన నాయకులు కొండా సురేఖ, బాజిరెడ్డి గోవర్దన్, రవీంద్ర నాయక్ వంటివారి వాదన మరో రకంగా ఉంది. తెలంగాణపై జగన్ మరో ప్రకటన చేయాల్సిన అవసరం ఏమీ లేదని వారంటున్నారు. ఏమైనా, జగన్ తన ముగింపు ప్రసంగంలో తెలంగాణ పేరు ఎత్తినా ఎంతో సంతోషంగా ఉండేదనేవారి సంఖ్యే ఎక్కువగా ఉంది.

English summary
Jaganmohan Reddy has disappointed farmers, Telangana protagonists and his YSR Congress Party workers by choosing to keep mum on the separate Telangana issue during his 25-minute speech following the termination of his 48-hour rythu deeksha at Armoor.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X