ఈ వారం రాశిఫలాలు: సెప్టెంబర్ 21 శుక్రవారం నుండి సెప్టెంబర్ 27 గురువారం వరకు


డా.యం.ఎన్.చార్య- శ్రీమన్నారాయణ ఉపాసకులు ,ప్రముఖ అంతర్జాతీయ జ్యోతిష పండితులు -9440611151
జ్ఞాననిధి , జ్యోతిష అభిజ్ఞ , జ్యోతిష మూహూర్త సార్వభౌమ"ఉగాది స్వర్ణ కంకణ సన్మాన పురస్కార గ్రహీత"
ఎం.ఏ జ్యోతిషం - పి.హెచ్.డి "గోల్డ్ మెడల్" ,ఎం.ఏ తెలుగు (ఏల్) , ఎం. ఏ సంస్కృతం , ఎం.ఏ యోగా ,
యోగాలో అసిస్టెంట్ ప్రోఫెసర్ శిక్షణ ,ఎం.మెక్ ఎపిపి, పి.జి.డిప్లమా ఇన్ మెడికల్ ఆస్ట్రాలజి (జ్యోతిర్ వైద్యం) ,
పి.జి.డిప్లమా ఇన్ జ్యోతిషం, వాస్తు , మరియు రత్న శాస్త్ర నిపుణులు.
సునంద రాజన్ జ్యోతిష ,జాతక,వాస్తు కేంద్రం.తార్నాక-హైదరాబాద్.

గమనిక:- ఈ ద్వాదశ రాశి ఫలితాలను గోచార గ్రహస్థితి,గతులను దృష్టిలో పెట్టుకొని ఫలితాలు ఇవ్వడం జరుగుతున్నది.ఈ ఫలితాలు అనేవి అన్నివర్గాలకు చెందిన వారిని దృష్టిలో పెట్టుకొని తెలియజేస్తున్నాము.మీ వ్యక్తిగత జాతక పరిశీలన ద్వారానే పూర్తి వివరాలు తెలుస్తాయి,ఇది గమనించగలరు.కావున మీ పూర్తి జాతక వివరాల కొరకు మీకు అందుబాటులో ఉన్న అనుభవజ్ఞులైన జ్యోతిష పండితులను సంప్రదించి వారికి దక్షిణ,తాంబూలాదులనిచ్చి మీ జాతక వివరాలను,తరునోపాయలను అడిగి తెలుసుకోగలరు, జైశ్రీమన్నారాయణ.

 

మేష రాశి

ఈ వారం మీ తెలివితేటలతో ప్రత్యర్ధులను సానుకూలంగా మరల్చుకుంటారు.ఎదుటివారి నుండి కాస్త జాగ్రత్తగా మసలుకోవడం అవసరం.వ్యావహారంలో కాని ఇతర ఏ విషయంలో కాని డబ్బుకు సంబంధించిన జాగ్రత్తలు తీసుకోవాలి,లేనిచో ఆర్ధికంగా నష్టం వాటిల్లు తుంది.కొంత ఆరోగ్య పరంగా,వ్యవహార పనుల పరంగా జాగ్రత్తలు తీసుకోవాలి.ప్రారంభంలో కొంత మానసిక ప్రశాంతత తగ్గుతుంది.అనుకూలమైన శుభాలకోరకు పావురాలకు బెల్లం పట్టించిన దాన్యపు గింజలను,నీళ్ళను వాటికి అందివ్వండి ఆలాగే ప్రతి రోజు విష్ణు సహస్ర నామలు చదవడం,లేదా వినడం వలన మీకు ఎంతో మేలు కలుగుతుంది.

వృషభ రాశి

ఈ వారం ఇంటా,వ్యావహారంలో సామాన్యంగా పరిస్థితులు సామాన్యంగా ఉంటాయి.వ్యావహారంలో కొంత సవాలుగా ఉంటుంది.పనులలో అసంత్రుప్తి నెలకొంటుంది.మీపై రూమర్స్ వచ్చే అవకాశం ఉంటుంది జాగ్రత్తలు తీసుకొండి.అపోహలను నమ్మకండి.ఉద్యోగంలో మీ ప్రతిభకు లోటు ఉండదు.వారాంతంలో ఇంటికి సంబంధించిన ఒక నూతన వస్తువును కొనుగోలు చేస్తారు.మీ ప్రయత్నాలన్ని సఫలీకృతం అవుతాయి.శుభవార్త వింటారు.పేదలకు కడుపు నిండ వారు సంత్రుప్తి పడేలాగా భోజనాలు పెట్టించండి,పశు,పక్షులకు త్రాగడానికి నీళ్ళను ఏర్పాటు చేయండి శుభం కలుగుతుంది.

మిథున రాశి

ఈ వారంలో మానసికంగా ప్రశాంతగా ఉంటారు.ఆర్ధిక విషయంలో చాలా జాగ్రత్తలు పాటిస్తారు.మీ దృక్ పధంలో మార్పు వలన చాలా వరకు మిమ్మల్ని పురోగతివైపు తీసుకవెలుతాయి.పాత స్నేహితులతో సత్సంబందాలు బలపడతాయి.వారి సహాయంతో కార్యవిజయం ఉంటుంది.భాధ్యతాయుతమైన మీ పనులను మీ శక్తి మేరకు పూర్తి చేయడానికి ప్రయత్నిస్తారు.ఆర్ధిక పరంగా అనుకూలంగా ఉంటుంది.పశు,పక్షులకు త్రాగడానికి వీలుగా నీళ్ళను ఏర్పాటు చేయండి శుభం కలుగుతుంది.

కర్కాటక రాశి

ఈ వారం కోరుకున్న విధంగా అత్యంత ప్రశాంతంగా పరిస్థితులు ఆనందంగా అనుభవిస్తారు.ఆర్ధిక వ్యవహారాలకు సంబంధించి కొంత నిరంతర శ్రమను పడుతారు.నలుగురితో కలిసిపోయే తత్వం,అమితమైన తెలివితేటల వలన ప్రగతిని సాధిస్తారు.ఇతరులకు సహాయపడుతారు,సమస్యను పరిష్కరిస్తారు.బంధువులతో అనుకూలమైన సత్సంబంధాలు ఏర్పడతాయి.ఆర్ధిక పరంగా సంతృపిగా ఉంటుంది.ఇన్ కంటాక్స్,సేల్స్ టాక్స్ సంబంధిత సమస్యలు ఉత్పన్నం అయ్యే అవకాశం ఉంది అత్యంత జాగ్రత్తలు అవసరం.పేదలకు కడుపు నిండ వారు సంత్రుప్తి పడేలాగా భోజనాలు పెట్టించండి,పశు,పక్షులకు త్రాగడానికి వీలుగా నీళ్ళను ఏర్పాటు చేయండి శుభం కలుగుతుంది.

సింహరాశి

ఈ వారం ఆర్ధికంగా అభివృద్ధి కనబడుతుంది.ఆభరణాలను కొనుగోలు చేసే అవకాశం ఉంది.మిమ్మల్ని నమ్మిన వారిని,మీపై ఆధారపడిన వారిని చక్కగా చూసుకుంటారు.ప్రశాంతంగా కాలన్ని గడుపుతారు.పాత మొండి బాకీలు,మీకు రావలసిన డబ్బు సునాయసనంగా మీ చేతికి అందుతుంది.వ్యాపార,కుటుంబానికి సంబంధించిన విషయాలలో నిర్ణయాలు తీసుకోవడానికి ఇది అనుకూల సమయం. మొండి తనం వీడి యుక్తిని ప్రదర్షించి పనులను చక్కబెట్టుకోవాలి.అవివాహితిలకు వివాహ సంబంధాలు ముడిపడతాయి.జీవిత భాగస్వామితో ఆనందంగా గడుపుతారు.పశు,పక్షులకు త్రాగడానికి వీలుగా నీళ్ళను ఏర్పాటు చేయండి శుభం కలుగుతుంది.

కన్యారాశి

ఈ వారం ప్రారంభంలో మిశ్రమ ఫలితాలు ఉంటాయి.ఆర్ధికంగా పెద్ద మార్పులేమి ఉండవు.డబ్బులు ఎలా వస్తాయో అలాగే ఖర్చు అవుతాయి. స్నేహితులతో సరదాగా గడుపుతారు.బందువులను కలుసుకుంటారు.చేసే పనులలో నైపుణ్యం లేకపోతే నష్టం వస్తుంది.అనవసరమైన విరోదాలు ఏర్పడే అవకాశం ఉంది.గురుతుల్యుల వలన లాభాలు కలుగుతాయి.సమస్యల నుండి,శత్రువుల నుండి రక్షింప బడతారు.మీ సృజనాశక్తితో ఒక అసాధారన కార్యని నెరవేరుస్తారు.ప్రేమ వ్యవహారాలు,వివాహాలు,ఇతర విజ్ఞాన సంబంధమైన విషయలలో అనుకూలతలుంటాయి.పేదల కొరకు మీ చేతనైన సహాయం చేయండి శుభం కలుగుతుంది.

తులా రాశి:

ఈ వారం ప్రారంభంలోనే మంచి ఆనంద దాయంకంగా ఉంటుంది.ఆర్ధికంగా బలపడుతారు.కొన్ని సందర్భాలలో మాత్రం చాలా అప్రమర్తతతో ఉండాలి.ఆర్ధిక పరమైన విషయాలలో ముందు చూపుతో ఉండాలి,డబ్బుకు సంబంధింన విషయంలోఎవ్వరి నమ్మక స్వంతంగా చూసుకోవడమే మంచిది.ప్రతీ విషయంలో కొంత అసహనంతోనే పూర్తి చేస్తారు.దగ్గరి బందువర్గం నుండి అశుభ సమాచారం వినవలసిన పరిస్థితి కనబడుతుంది.వారం చివరలో మంచి కార్యసాధన,పనులలో విజయం.ముఖ్యమైన వ్యక్తులను కలుసుకుంటారు.అనుకూలమైన శుభాల కోరకు పావురాలకు బెల్లం పట్టించిన దాన్యపు గింజలను,త్రాగడానికి నీళ్ళను వాటికి ఏర్పాటు చేయండి.

వృశ్చికరాశి

ఈ వారం ఆర్ధిక పరమైన లాభాలుంటాయి.అందరితోను సహృదయంతో మెలుగుతారు.ఇల్లు మార్పు సూచనలు కనబడుతున్నాయి.మీకు ఆప్తులు,నచ్చిన వారు మంచి సూచనలు చేస్తారు.ప్రయాణాలకు అనుకూలంగా ఉంది.ఆరోగ్య పరమైన విషయాలలో జాగ్రత్తలు అవసరం.పిల్లలు,కుటుంబ విషయాలలో ఆశాంతి నెలకోంటుంది.మానసిక భాదలు చోటు చేసుకొనే అవకాశం ఉంది.బద్ధకాన్ని వదిలి వేయాలి.చేసే ప్రతీ పనిలో ఆత్మవిమర్ష చేసుకుంటూ ముందుకు వెళ్ళడం మంచింది.నల్ల చీమలకు పంచదార వేయండి.మరిన్ని శుభ ఫలితాలకొరకు సాటి జీవుల ఆకలి దప్పికలను తీర్చండి.

ధనుస్సురాశి

ఈ వారం అవసరం ఉన్న వ్యక్తులకు సహాయంగా నిలిచి సంతోషం చెందుతారు.పాత కోప తాపలను,పట్టింపులను పక్కన పెడతారు.అందరితో సఖ్యతగా వ్యవహరిస్తారు.బహుమతులు పొందుతారు.వ్యాపారాలు మధ్యస్తంగా సాగుతాయి.మీ మాటపై మీరే నిలబడిని వ్యవహారం ఉంటుంది.ఇతరుల వ్యవహారంలో జ్యోక్యం చేసుకో కూడదు.కొత్తగా ప్రారంభించాలనుకున్న పనుల కంటే పాతవాటిపై దృష్టి సారించడం మంచిది.ప్రజా సంబంధాలు మెరుగు పడతాయి.మీరు దృష్టి సారించి చేసిన పనులకు గౌరవం దక్కుతుంది.నల్ల చీమలకు పంచదార వేయండి.కాకులకు బెల్లంతో చేసిన రొట్టె ముక్కలను వేయండి ఈతి భాదలు తోలగుతాయి.

మకరరాశి

ఈ వారం నమ్మిన వారితో చేదు అనుభవాలుంటాయి.మీ పనులలో ఏకాగ్రతతో నిమగ్నమైతే శుభఫలితాలు కనబడతాయి.కొత్తవారితో పరిచయాలు ఏర్పడతాయి.నూతనంగా కాంట్రాక్ట్ పనులు లభిస్తాయి.పని ఒత్తిడిలు ఉన్నను వాటిని పూర్తి చేస్తారు.రావలసిన అప్పులలో కొంత భాగాన్ని వసూలు చేసుకో గలుగుతారు.వారం చివరలో ఒక వార్త మిమ్మల్ని ఇబ్బంది పెట్టే అవకాశం ఉంది.దైవ చింతనతో ఉండండి,నల్ల చీమలకు పంచదార వేయండి.కాకులకు బెల్లంతో చేసిన రొట్టె ముక్కలను వేయండి ఈతి భాదలు తోలగుతాయి.

కుంభరాశి

ఈ వారం ప్రతీ పనిని ప్రశాంతగా నెరవేరుస్తారు.పనులలో లోతైన అధ్యయనాన్ని చేస్తారు.దైవ చింతన ఆధ్యాత్మీకంగా గడుపుతారు.దూరపు బందువుల నుండి అశుభవార్త వినవలసి వస్తుంది.కొంత ప్రతీకూలంగా కూడ ఉంటుంది.చేసే పనులలో జాప్యం వలన ఇతరులతో మాట పడవలసి వస్తుంది.పాత మిత్రుల కలయిక ఉంటుంది,పాత జ్ఞాపకాలు గుర్తుకు తెచ్చుకుని మురిసిపోతారు.రాజకీయ కార్యాలలో నిమగ్నం అవుతారు.ఆత్మ విశ్వాసం,మనోదైర్యం ఎక్కువతో ముందుకు సాగుతారు.వారాంతం పరోపకారానికి ఎక్కువ సమయాన్ని కేటాయిస్తారు.మరిన్ని శుభ ఫలితాలకొరకు సాటి జీవుల యొక్క ఆకలి దప్పికలను తీర్చండి.

మీన రాశి

ఈ వారంలో అవివాహితులకు కుటుంబంలో వివాహ ప్రస్తావనలుంటాయి.ప్రతీ విషయాన్ని పెద్దల నిర్ణయంతో పూర్తి చేస్తే శుభం కలుగుతుంది.పరోపకారం,సామజిక ధార్మిక కార్యక్రమాలపై ఆసక్తి పెరుగుతుంది.వారం మధ్యలో అంత అనుకూలం కాదు.ఒకరి అంతిమ కార్యక్రమానికి హాజరు అయ్యే అవకాశం ఉంది.మనస్సులో అశాంతి,ఆర్ధిక పరంగా కొంత ఇబ్బందులు,ఆరోగ్యభంగం వలన కొన్ని ముఖ్యమైన పనులు నెరవేరుటలో జాప్యం జరుగుట ఏర్పడుడును.క్రమ బద్ధికరణంగా ఉండే జీవన వ్యవస్థ అస్తవ్యస్తంగా మారుతుంది.కాకులకు బెల్లంతో చేసిన రొట్టె ముక్కలను వేయండి ఈతి బాధలు తోలగుతాయి.

Have a great day!
Read more...

English Summary

The Astro Twins forecast every sign's horoscope for this week. Find out if love is in your future, if you're headed towards a change in your career, or how the planet's alignment will effect your outlook on life.