సముద్ర గర్భం నుంచి అశుభ సూచకం: ప్రళయ చేప ప్రత్యక్షం!
ప్రపంచవ్యాప్తంగా మూడో ప్రపంచ యుద్ధ భయాలు ముసురుతున్న వేళ, ప్రకృతి మరో భయంకరమైన సంకేతాన్ని పంపింది. లోతైన సముద్ర గర్భంలో నివసించే, అత్యంత అరుదైన 'ఓర్ఫిష్' (Oarfish) మెక్సికోలోని కాబో శాన్ లూకాస్ తీరంలో ప్రత్యక్షమవ్వడం ఇప్పుడు ప్రపంచ దేశాలను వణికించేస్తోంది. దీనిని స్థానికులు 'ప్రళయ మత్స్యం' (Doomsday Fish) అని పిలుస్తారు.
ఈ చేప తీరానికి వచ్చిందంటే ఏదో ఒక పెను విపత్తు సంభవించడం ఖాయమని ప్రాచీన నమ్మకం. సరిగ్గా ఇరాన్, ఇజ్రాయెల్, అమెరికా మధ్య యుద్ధం క్లైమాక్స్కు చేరుకున్న తరుణంలోనే ఈ వింత చేప బయటపడటం వెనుక ఏదైనా 'శాపగ్రస్తమైన' రహస్యం ఉందా అని సోషల్ మీడియాలో చర్చలు మొదలయ్యాయి.
30 అడుగుల పొడవు Oarfish
మార్చి 10, 2026న కాబో శాన్ లూకాస్ బీచ్లో మోనికా పిట్టెంగర్.. ఆమె కుటుంబ సభ్యులు విహరిస్తుండగా, నీటిలో ఏదో వెండి రంగులో మెరుస్తూ కనిపించింది. దగ్గరకు వెళ్లి చూడగా, సుమారు 30 అడుగుల పొడవున్న రెండు భారీ ఓర్ఫిష్లు నిస్సారమైన నీటిలో కొట్టుమిట్టాడటం చూసి వారు షాక్కు గురయ్యారు. సాధారణంగా ఇవి సముద్ర మట్టానికి 3,000 అడుగుల (సుమారు 914 మీటర్లు) లోతున నివసిస్తాయి. అడపాదడపా తప్ప ఇవి మనుషులకు కనిపించడం చాలా అరుదు. మోనికా సోదరి సాహసంతో ఆ చేపను తిరిగి లోతుల్లోకి పంపేందుకు ప్రయత్నించిన దృశ్యాలు ప్రస్తుతం ఇంటర్నెట్లో వైరల్ అవుతున్నాయి.
చరిత్రలో అపశకునాలు.. నిప్పు రాజేస్తున్న యుద్ధం!
ఈ చేప దర్శనమిచ్చినప్పుడల్లా భారీ భూకంపాలు లేదా సునామీలు వస్తాయని జపనీస్ జానపద కథలు చెబుతున్నాయి. 2011లో జపాన్ను అతలాకుతలం చేసిన సునామీకి ముందు అనేక ఓర్ఫిష్లు తీరానికి కొట్టుకువచ్చాయి. గతేడాది తమిళనాడు తీరంలో కూడా ఈ చేప కనిపించినప్పుడు స్థానికులు భయాందోళనలకు గురయ్యారు. గత పది రోజులుగా మధ్యప్రాచ్యంలో ఇరాన్-ఇజ్రాయెల్ మధ్య జరుగుతున్న దాడులు, అమెరికా రంగంలోకి దిగడం చూస్తుంటే, 2026 సంవత్సరం ప్రపంచ యుద్ధానికి వేదిక కానుందా అనే భయం కలుగుతోంది. మెక్సికో తీరంలో అమెరికా సైనిక ఆపరేషన్ నిర్వహించిన వెంటనే ఈ 'ప్రళయ చేప' కనిపించడం గమనార్హం.
Two massive deep-sea Oarfish wash up onto shore in Cabo San Lucas, Mexico.
— Collin Rugg (@CollinRugg) March 9, 2026
The fish, also known as “doomsday fish,” can measure up to 30-feet long.
Oarfish are very rarely observed and live at a depth of around 3000 feet.
“Just as they finished helping the first one, they… pic.twitter.com/7OfgTDVh0U
Oarfish గురించి సైన్స్ ఏమంటోంది?
అయితే, శాస్త్రవేత్తలు మాత్రం ఈ అపశకునాలను కొట్టిపారేస్తున్నారు. ఓర్ఫిష్లు అనారోగ్యం పాలైనప్పుడు లేదా సముద్ర ప్రవాహాల్లో మార్పులు వచ్చినప్పుడు మాత్రమే ఉపరితలంపైకి వస్తాయని వారు స్పష్టం చేస్తున్నారు. సముద్ర గర్భంలో ప్లేట్ల కదలికల వల్ల కలిగే విద్యుత్ మార్పులను ఇవి ముందుగానే గుర్తించగలవని, అందుకే భూకంపాలకు ముందు ఇవి కనిపిస్తాయని ఒక వాదన ఉన్నప్పటికీ, యుద్ధాలకు వీటికి సంబంధం లేదని తేల్చి చెబుతున్నారు.
కారణం ఏదైనా, అగ్రరాజ్యాల మధ్య అణు హెచ్చరికలు వినిపిస్తున్న వేళ, సముద్ర గర్భం నుంచి ఈ 'శాపగ్రస్తమైన మత్స్యం' బయటపడటం ప్రకృతి ఇస్తున్న చివరి హెచ్చరికగా చాలామంది భావిస్తున్నారు. ఆకాశంలో యుద్ధ విమానాల మోత.. సముద్రంలో ప్రళయ చేపల దర్శనం.. అంతా వినాశనం వైపేనా? అన్న టెన్షన్ ఇప్పుడు అందరిలోనూ కనిపిస్తోంది.
Click it and Unblock the Notifications
Sign in with Google