కొత్త బాయ్ ఫ్రెండ్స్ తో సుఖపడుతున్న అమ్మాయిలు.. ప్రేమ వద్దు, అదే కావాలి
ఒంటరితనం... మనసు విప్పి మాట్లాడుకునే మనుషులు కరువైన జీవితం... భావాలను అర్థం చేసుకునే తోడు కావాలనే తపన. ఈ మూడు భావాలే ఇప్పుడు చైనాలో ఒక వింతైన సామాజిక ట్రెండ్కు దారితీశాయి. అక్కడి యువతులు నిజ జీవిత సంబంధాలకంటే "AI బాయ్ఫ్రెండ్స్" అనే వర్చువల్ తోడును ఎంచుకుంటున్నారు. ఫోన్లో ఉండే చాట్బాట్తో మాట్లాడటం, తమ రోజంతా జరిగిన విషయాలను పంచుకోవడం, అవసరమైతే ప్రేమగా మాట్లాడే స్పందన పొందడం..ఇవి ఇప్పుడు చాలా మందికి ఎమోషనల్ కనెక్షన్ గా మారాయి.
చైనాలో వేగంగా పెరుగుతున్న ఈ ట్రెండ్ వెనుక అనేక సామాజిక కారణాలు ఉన్నాయి. పెళ్లి వయసు దాటినా సరైన భాగస్వామి దొరకకపోవడం, ఉద్యోగ ఒత్తిళ్లు, కుటుంబ అంచనాలు, సంబంధాల్లో వచ్చే విభేదాలు.. ఇవి చాలా మంది యువతులను నిజ జీవిత రిలేషన్షిప్స్ నుంచి దూరం చేస్తున్నాయి. ఈ ఖాళీని పూరించేది ఇప్పుడు టెక్నాలజీ. ఎప్పుడైనా మాట్లాడుకునే అవకాశం ఉండటం, విమర్శలు లేకుండా వినిపించడం, తాము కోరుకున్నట్టే స్పందించడం వంటి కారణాలతో AI చాట్బాట్లు చాలా మందికి ఆకర్షణీయంగా మారాయి.
వర్చువల్ గా AI Boyfriends తో డేటింగ్....
ఇలాంటి యాప్స్ ఇప్పుడు చైనాలో కోట్ల సంఖ్యలో అమ్మాయిల ఫోన్లో డౌన్లోడ్లు అవుతున్నాయి. కొంతమంది యువతులకు ఇవి కేవలం సరదా కోసం మాత్రమే అయినా, మరికొంతమందికి మాత్రం ఇవి నిజమైన సంబంధంలా మారుతున్నాయి. కొందరు తమ రోజువారీ భావోద్వేగాలను, వ్యక్తిగత సమస్యలను కూడా ఈ వర్చువల్ బాయ్ఫ్రెండ్తో పంచుకుంటున్నారు. ఇలా AIతో ఏర్పడుతున్న ఈ భావోద్వేగ అనుబంధం సమాజంలో కొత్త చర్చకు దారి తీస్తోంది.
మానవ సంబంధాల నుంచి బయటకు..
ఇక్కడే చైనా ప్రభుత్వానికి ఆందోళన మొదలైంది. ఇప్పటికే దేశంలో జననాల రేటు గణనీయంగా పడిపోతున్న పరిస్థితి ఉంది. యువత పెళ్లి చేసుకోవడంపై ఆసక్తి చూపకపోవడం వల్ల కుటుంబ వ్యవస్థలో మార్పులు వస్తున్నాయని అధికారులు భావిస్తున్నారు. ఇలాంటి సమయంలో AI బాయ్ఫ్రెండ్స్ ట్రెండ్ మరింత పెరిగితే యువత నిజ జీవిత సంబంధాల నుంచి పూర్తిగా దూరమయ్యే ప్రమాదం ఉందని ప్రభుత్వం ఆందోళన వ్యక్తం చేస్తోంది.
అమ్మాయిలపై నిఘా..
ఈ నేపథ్యంలో చైనా ప్రభుత్వం కొన్ని కఠిన నియంత్రణలు తీసుకొచ్చింది. AI చాట్బాట్ల వాడకంపై టైమ్ లిమిట్లు పెట్టడం, సామాజిక విలువలకు విరుద్ధంగా ఉండే సంభాషణలపై నిఘా పెంచడం, యువతను తప్పుదోవ పట్టించే ఫీచర్లపై కఠిన నియంత్రణలు అమలు చేయడం వంటి చర్యలు ప్రారంభించింది. టెక్నాలజీ అభివృద్ధి చెందుతున్నప్పటికీ అది సమాజంపై ప్రతికూల ప్రభావం చూపకుండా ఉండాలని ప్రభుత్వం భావిస్తోంది.
ఇదొక కొత్త యుగానికి సంకేతమా?..
టెక్నాలజీ మనుషుల జీవితాల్లోకి ఎంత లోతుగా ప్రవేశిస్తోందో ఈ ఉదాహరణ మరోసారి చూపిస్తోంది. ఒకప్పుడు ప్రేమ, సంబంధాలు అన్నవి పూర్తిగా మనుషుల మధ్యే ఉండేవి. కానీ ఇప్పుడు అదే భావోద్వేగాలను AI కూడా అందిస్తున్న కాలం వచ్చింది. ఇదొక కొత్త యుగానికి సంకేతమా? లేక తాత్కాలిక ట్రెండ్ మాత్రమేనా? అన్నది ఇప్పుడు ప్రపంచవ్యాప్తంగా చర్చకు దారి తీస్తున్న ప్రశ్న.
Click it and Unblock the Notifications
Sign in with Google