బాయ్‌ఫ్రెండ్‌తో ఫోటోలు డిలీట్ చేసిన తెలుగు హీరోయిన్..పెళ్లి క్యాన్సల్?

హీరోయిన్ నివేదా పేతురాజ్ తన ఇన్‌స్టాగ్రామ్‌లో ప్రియుడితో ఉన్న ఫోటోలను డిలీట్ చేసారు. ఈ ఏడాది ఆగస్టులోనే ఆమె తన ప్రియుడిని పరిచయం చేసిన నేపథ్యంలో, డిసెంబర్ నాటికి వారి వివాహం జరుగుతుందని అంతా అనుకున్నారు. అయితే ఇలాంటి సమయంలో పోస్టులను డిలీట్ చేయడం సోషల్ మీడియాలో పెద్ద చర్చకు దారితీస్తోంది.

అదే సమయంలో, నివేదా బాయ్ ఫ్రెండ్ రాజ్‌హిత్ ఇబ్రాన్ కూడా తన ఇన్‌స్టాగ్రామ్‌ నుంచి ఆమె ఫోటోలను తొలగించడం ప్రత్యేకంగా గమనించాల్సిన విషయం. ఇద్దరూ ఒకేసారి ఇలాంటి చర్యలు తీసుకోవడంతో, వారి మధ్య విభేదాలు ఉన్నాయన్న వదంతులు మరింత బలంగా వినిపిస్తున్నాయి.

ఇటీవల క్రికెటర్ స్మృతి మంధాన తన నిశ్చితార్థం తర్వాత వివాహాన్ని రద్దు చేసుకున్న విషయం తెలిసిందే. ఇప్పుడు నివేదా కూడా అలాంటి పరిస్థితిలోనే ఉన్నారా? అనే ప్రశ్నలు సోషల్ మీడియాలో వినిపిస్తున్నాయి.

కొంతమంది నెటిజన్లు 'సమంతా రూట్'ను నివేదా ఫాలో అవుతున్నట్లు కామెంట్లు చేస్తున్నారు. ఇప్పట్లో సెలబ్రిటీలు తమ సంబంధాల్లో మార్పులు వచ్చినప్పుడు ముందుగా సోషల్ మీడియాలోని కలిసి ఉన్న ఫోటోలను తొలగించడం సాధారణ విషయంగా మారింది. ఇదే ప్రక్రియను నివేదా కూడా అనుసరిస్తున్నారని, అంతేకాక ఆమె ప్రియుడు బిగ్ బాస్ జూలీ మాజీ ప్రియుడని అంటూ Reddit వంటి వేదికల్లో చర్చలు జరుగుతున్నాయి. అయితే ఇవన్నీ ప్రస్తుతం సోషల్ మీడియాలో వినిపిస్తున్న ఊహాగానాలేనని చెప్పాలి.

ఈ రోజుల్లో నిజమైన ప్రేమ, బంధాలు ఎన్నో పరీక్షలను ఎదుర్కొంటున్నాయని పలువురు అభిప్రాయపడుతున్నారు. ఈ పరిస్థితి నుంచి నివేదా త్వరగా కోలుకోవాలని ఆమె అభిమానులు ఆశిస్తున్నారు. ఇన్‌స్టాగ్రామ్, ట్విట్టర్ పోస్టుల కింద నెటిజన్లు చెబుతూ ఆమెకు అండగా నిలుస్తున్నారు.

English summary

Actress Nivetha Pethuraj has deleted her photos with her boyfriend rajhith Ibran from Instagram. హీరోయిన్ నివేదా పేతురాజ్ తన ఇన్‌స్టాగ్రామ్‌లో ఉన్న ప్రియుడితో ఫోటోలను డిలీట్ చేసారు