"అర్జున్ సన్నాఫ్ వైజయంతి" ట్విట్టర్ రివ్యూ.. అదొక్కటే మైనస్

Updated: Friday, April 18, 2025, 9:52 [IST]

నందమూరి హీరో కల్యాణ్ రామ్ గురించి కొత్తగా చెప్పాల్సిన పనిలేదు. హీరోగా, నిర్మాతగా ఇండస్ట్రీలో తనకంటూ ప్రత్యేక స్థానాన్నిక్రియేట్ చేసుకున్నారు. అయితే హీరోగా కల్యాణ్ రామ్ అనుకున్నంత సక్సెస్ కాలేకపోయారు. అతనొక్కడే,పటాస్ , డేవిల్, 118, బింబిసార వంటి హిట్ చిత్రాలు కల్యాణ్ రామ్ ఖాతాలో ఉన్నాయి. ఆయన తాజాగా నటించిన చిత్రం 'అర్జున్ సన్నాఫ్ వైజయంతి'. ఈ సినిమాలో సీనియర్ నటి, ఎమ్మెల్సీ విజయశాంతి కీలక పాత్రలో కనిపించారు. శుక్రవారం ప్రేక్షుకుల ముందుకొచ్చింది ఈ సినిమా. 'అర్జున్ సన్నాఫ్ వైజయంతి' సినిమా చూసిన ప్రేక్షకులు తమ అభిప్రాయాన్ని సోషల్ మీడియా ద్వారా తెలియజేస్తున్నారు.

విజయశాంతి మరియు కళ్యాణ్ రామ్ నటనకు ప్రశంసలు లభిస్తున్నాయి. ముఖ్యంగా వారిద్దరి మధ్య ఎమోషనల్ సన్నివేశాలు ప్రేక్షకులను ఆకట్టుకుంటున్నాయి.కొన్ని యాక్షన్ సన్నివేశాలు మరియు నేపథ్య సంగీతం బాగున్నాయని చాలామంది ట్వీట్ చేశారు. కొన్ని ట్వీట్స్ లో క్లైమాక్స్ బాగుందని పేర్కొన్నారు.కొందరు కథ రొటీన్‌గా ఉందని, కొత్తదనం లేదని విమర్శిస్తున్నారు.

సంగీతం, కొన్ని విజువల్స్ అనుకున్నంతగా లేవని కొంతమంది అభిప్రాయపడ్డారు. సినిమా మొదటి సగం సాదాసీదాగా ఉందని, కొన్ని సన్నివేశాలు "జనతా గ్యారేజ్" సినిమాను గుర్తు చేస్తున్నాయని కొందరు ట్వీట్ చేశారు. మొత్తానికి, "అర్జున్ సన్నాఫ్ వైజయంతి" చిత్రంపై ట్విట్టర్‌లో భిన్నాభిప్రాయాలు వ్యక్తమవుతున్నాయి. నటీనటుల నటన మరియు కొన్ని యాక్షన్ సన్నివేశాలు ప్రేక్షకులను ఆకట్టుకుంటున్నాయి, అయితే కథ మరియు ఇతర సాంకేతిక అంశాలపై విమర్శలు వస్తున్నాయి.