ఈ ఏడాది హయ్యస్ట్ రెమ్యునరేషన్ తీసుకున్న హీరోయిన్

దక్షిణ భారతదేశంలో స్టార్ హీరోయిన్లు బాలీవుడ్ లో కూడా తమ హవాను కొనసాగిస్తున్నారు. యానిమల్ సినిమాతో రష్మిక మరో హిట్ ను తన ఖాతాలో వేసుకోగా, జవాన్ తో నయనతార బాలీవుడ్ లోకి అడుగుపెట్టింది. సిటాడెల్ సిరీస్ తో సమంత సిద్ధమైంది. త్రిష, కీర్తి సురేష్, సాయిపల్లవి లాంటివారు కూడా పారితోషికాన్ని భారీగా తీసుకుంటున్నారు. వాటి వివరాలు తెలుసుకుందాం.

అనారోగ్యం వల్ల ప్రస్తుతం సినిమాల నుంచి కాస్త విరామం తీసుకున్నప్పటికీ ఖుషి సినిమాతో సమంత హిట్ అందుకుంది. సిటాడెల్, చెన్నై స్టోరీస్ తో ఆడియన్స్ ముందుకు రాబోతోంది. ఒక్కో సినిమాకు సమంత రూ.4కోట్ల రెమ్యునరేషన్ తీసుకుంటుంది. తెలుగు, తమిళంలో స్టార్ హీరోయిన్ నయనతార హీరోల కన్నా ఎక్కువ రెమ్యునరేషన్ తీసుకుంటుంది. తాజాగా ఆమె జవాన్ తో బ్లాక్ బస్టర్ హిట్ కొట్టింది. ఈ సినిమాలో నటించినందుకు నయన్ ఏకంగా రూ. 10 కోట్ల పారితోషికం తీసుకుంది. ఈ ముద్దుగుమ్మ చేసే తదుపరి చిత్రాలకు రెమ్యునరేషన్ ను భారీగా పెంచి అడుగుతోంది.

సుమారు 21 సంవత్సరాలుగా దక్షిణాదిలో ఓ వెలుగు వెలుగుతోంది త్రిష. నాలుగు పదుల వయసులోనూ బ్యాక్ టూ బ్యాక్ లతో ప్రేక్షకులను ఈ అమ్మడు అలరించడమేకాదు.. రెమ్యూనరేషన్ ను కూడా భారీగా పెంచేసింది. ఒక్కో సినిమాకు దాదాపు రూ.5 కోట్లు తీసుకుంటోంది. తమన్నా కూడా భారీగానే తీసుకుంటుంది. ప్రస్తుతం ఈ మిల్క్ బ్యూటీ రూ. 7 కోట్లు డిమాండ్ చేస్తోంది. కీర్తి సురేష్ కూడా భారీగానే తీసుకుంటుంది. ప్రస్తుతం ఆమె సినిమాకు రూ.3 కోట్లు తీసుకుంటోంది. హీరోయిన్ల రెమ్యునరేషన్ జాబితా పరిశీలిస్తే వీరందరిలో నయనతార టాప్ ప్లేస్ లో నిలుస్తోంది. స్టార్ హీరోకు సమానంగా ఆమె పారితోషికం ఉంటుంది. జవాన్ తర్వాత పారితోషికాన్ని మరింత పెంచింది. రూ.12 కోట్లు అడుగుతున్నట్లు తెలుస్తోంది.

English summary

If we look at the remuneration list of heroines, Nayanthara stands at the top place among them all.Her remuneration is equal to that of a star hero