ఎన్‌కౌంటర్‌ బయటపెట్టిన నిజం

పత్రికలు రాసిన ప్రకారం- ఈ ఇద్దరిని అధికార తెలుగుదేశం పార్లమెంటు సభ్యుడు నాలుగు రోజుల పాటు హైదరాబాద్‌లో దాచి పెట్టారు. వారిని రాజమండ్రి పంపించేందుకు కర్నూలుకు రప్పించారు. ఆ సమయంలో ఎన్‌కౌంటర్‌ జరిగింది. ఎన్‌కౌంటర్‌లో ఒక అనుచరుడు మరణించాడని తెలియగానే ఆ ఎంపీ తన ఆగ్రహాన్ని అణుచుకోలేకపోయారు. ఎస్పీ ఎన్‌కౌంటర్‌ సంగతి చెప్పగానే- స్థానిక ఎన్నికల్లో కావాలనే తనను ఓడించారని, ఇప్పుడు కావాలని ఎన్‌కౌంటర్‌ చేశారని, ఈ సంగతిని ప్రభుత్వ దృష్టికి తీసుకు వెళ్తానని ఎంపీ మండిపడ్డారట. నంద్యాల డిఎస్‌పి కూడా ఫోన్‌ చేసి ఆగ్రహం వ్యక్తం చేశారట. రెండో సారి ఫోన్‌ చేసి మరణించిన వ్యక్తితో తనకు సంబంధం లేదని చేతులు కడిగేసుకునే ప్రయత్నం చేశారని అంటున్నారు.