• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బాబు టార్గెట్ వైయస్ జగన్

By Pratap
|

YS Jagan
తెలుగుదేశం పార్టీ అధ్యక్షుడు నారా చంద్రబాబు నాయుడు ఓబుళాపురం మైనింగ్ కంపెనీ అధిపతి, కర్నాటక మంత్రి గాలి జనార్దన్ రెడ్డిపై తలపెట్టిన ఆందోళనను కడప పార్లమెంటు సభ్యుడు వైయస్ జగన్ పైనే టార్గెట్ చేసినట్లు కనిపిస్తోంది. అనంతపురం జిల్లాలోని ఓబుళాపురంలో అక్రమంగా తవ్వకాల ద్వారా గాలి జనార్దన్ రెడ్డి పది వేల కోట్ల రూపాయలు సంపాదించారని ఆరోపిస్తున్న చంద్రబాబు అందులో జగన్ కు వాటా ఉందని ఆరోపిస్తున్నారు. రాజకీయంగా జగన్ ను దెబ్బ తీసేందుకు, కాంగ్రెసు పార్టీని ఇరకాటంలో పెట్టేందుకు ఆయన ఓబుళాపురం ఆందోళనను తీవ్రతరం చేస్తున్నట్లు భావిస్తున్నారు. ముందస్తు పన్ను చెల్లింపును బట్టి చూస్తే జగన్ వార్షికాదాయం 70 కోట్ల రూపాయలుంటుందని, ఇదంతా జగన్ కు ఎక్కడి నుంచి వస్తోందని ఆయన అన్నారు.

గాలి జనార్దన్ రెడ్డికి, జగన్ కు మధ్య వ్యాపార లావాదేవీలున్నాయని చెప్పడానికి కూడా ఆయన ప్రయత్నిస్తున్నారు. జగన్ కు సంబంధించిన జగతి పబ్లికేషన్స్, ఆర్ఆరో గ్లోబల్, రెడ్ గోల్డ్ సంస్థలకు ఓబుళాపురం మైనింగ్ కంపెనీ నుంచి వాటాలు దక్కుతున్నాయని ఆయన చెబుతూ వస్తున్నారు. ఇందుకు సంబంధించిన ఒక వార్తాకథనం ఈనాడు పత్రికలో సోమవారం ప్రచురితమైంది. తన వ్యాపారాలతో జగన్ కు సంబంధం లేదని గాలి జనార్దన్ రెడ్డి చెప్పిన మాట నిజం కాదని ఈనాడు వార్తా కథనం సారాంశం. ఈనాడు పత్రిక వరుస వార్తాకథనాలతో జగన్, గాలి జనార్దన్ రెడ్డిలపై దాడులు చేస్తుంటే, చంద్రబాబు మిగతా ప్రతిపక్షాలను కలుపుకుని ఉద్యమాలు చేస్తున్నారు. ఆయన ఉద్యమాలతో సిపిఐ, సిపిఎం, లోకసత్తా పార్టీలు కలిసి వస్తున్నాయి. ఈ పార్టీలన్నీ ఒకే సామాజిక వర్గానికి చెందినవారి నాయకత్వంలో సాగుతుండడం ఇక్కడ గమనార్హం.

ఇదే సమయంలో ముఖ్యమంత్రి రోశయ్య ప్రభుత్వం నిస్సహాయ స్థితిలో ఉందని కూడా చంద్రబాబు చెప్పదలుచుకున్నారు. రోశయ్య జగన్ పై చర్యలు తీసుకోవడానికి భయపడుతున్నారని ఆయన ఆరోపించారు కూడా. రాష్ట్రంలో బలహీనమైన ముఖ్యమంత్రి పాలన సాగుతోందని ఆయన ప్రజల ముందు పెట్టదలుచుకున్నారు. జగన్ ను రాజకీయంగా దెబ్బ తీసేందుకే చంద్రబాబు ఆరోపణులు చేస్తున్నారని మంత్రి కోమటిరెడ్డి వెంకటరెడ్డి వంటివాళ్లు అంటున్నారు. ఏమైనా చంద్రబాబు టార్గెట్ వైయస్ జగనేనని చెప్పక తప్పదు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X