కడప వార్తల కోసం
నోటిఫికేషన్స్ పై క్లిక్ చేయండి  
Oneindia App Download

వైయస్ జగన్ అంగీకరిస్తారా?

By Pratap
|
Google Oneindia TeluguNews

YS Jaganmohan Reddy
కడప పార్లమెంటు సభ్యుడు వైయస్ జగన్ సంకట స్థితిలో పడ్డారు. కడప జిల్లా పులివెందుల శాసనసభా నియోజక వర్గం నుంచి తన తల్లి విజయలక్ష్మిని పోటీకి దించాలని కాంగ్రెసు నాయకత్వం నిర్ణయించడం ఆయనకు మింగుడు పడని విషయం. వైయస్ సతీమణి విజయలక్ష్మికి కూడా పోటీ చేయడానికి ఏ మాత్రం ఇష్టం లేదని చెబుతున్నారు. ఆమె కాంగ్రెసు పార్టీ అధ్యక్షురాలు సోనియా గాంధీ వద్ద తన అభిమతాన్ని వెల్లడించినట్లు తెలుస్తోంది. తన కుమారుడు వైయస్ జగన్ ను కనీసం 2014లోనైనా ముఖ్యమంత్రిని చేస్తామని హామీ ఇవ్వాలని ఆమె కోరుతున్నట్లు సమాచారం. తన కుమారుడి ప్రయోజనాలు దెబ్బ తినేలా వ్యవహరించడానికి ఆమె ఏ మాత్రం సిద్ధంగా లేరని చెబుతున్నారు. ఈ విషయమై ఇప్పటికే కుటుంబ సభ్యులంతా సమావేశమై చర్చించారు. సాధ్యమైనంత త్వరగా ముఖ్యమంత్రి పదవి చేపట్టాలని ఆశపడుతున్న జగన్ కు కాంగ్రెసు పార్టీ అధిష్టానం కల్పిస్తున్న అడ్డంకులు మింగుడు పడడం లేదు.

జగన్ ఒకటి రెండు రోజుల్లో ఢిల్లీ వెళ్లి పులివెందుల శాసనసభా నియోజకవర్గం అభ్యర్థి ఎంపికపై జగన్ అధిష్టానంతో చర్చించే అవకాశాలున్నట్లు చెబుతున్నారు. అయితే, జగన్ ను శాసనసభకు పంపడానికి పార్టీ అధ్యక్షురాలు సోనియా గాంధీ ఏ మాత్రం ఇష్టంగా లేదు. ఇదే జగన్ పాలిట శాపంగా మారుతోంది. జగన్ పార్టీ అధిష్టానం నిర్ణయానికి తలొగ్గడమో, ధిక్కరించడమో తప్ప మరో మార్గం లేదు. అయితే, ఈ విషయంలో జగన్ కచ్చితంగా ఒక నిర్ణయానికి రాలేకపోతున్నట్లు తెలుస్తోంది. ఆయన వ్యవహార శైలియే ఆ విషయాన్ని పట్టిస్తోంది. జగన్ పార్టీ అధిష్టానాన్ని ధిక్కరించే సాహసం చేస్తారా అనేది అనుమానంగానే ఉంది. అయితే, ఆయన లాబీ మాత్రం ధిక్కారానికి ఒత్తిడి తెస్తున్నట్లు సమాచారం.

ఈ స్థితిలో పార్టీ అధిష్టానంపై ఒత్తిడి తెచ్చేందుకు దివంగత నేత వైయస్ రాజశేఖర రెడ్డి కుటుంబ సభ్యులు సిద్ధపడుతున్నట్లు తెలుస్తోంది. వైయస్ జగన్ ను పులివెందుల సీటుకు అభ్యర్థిగా ఎంపిక చేయాలని వారు ఇప్పటికే పార్టీ అధిష్టానాన్ని కోరుతున్నారు. జగన్ మామ, కడప మేయర్ రవీంద్రనాథ్ రెడ్డి బహిరంగ ప్రకటన చేశారు. వైయస్ జగన్ ను పులివెందుల సీటుకు అభ్యర్థిగా నిలిపితేనే వైయస్ రాజశేఖర రెడ్డి లక్ష్యాలు నెరవేరుతాయని ఆయన అన్నారు. అయితే తామంతా పార్టీ అధిష్టానం నిర్ణయానికి కట్టుబడి ఉంటామని ఆయన చెప్పారు. ఏమైనా, జగన్ పరిస్థితి అయోమయంగానే ఉంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X