చంద్రబాబు నాయుడికి షాక్ మీద షాక్

చిరంజీవి పార్టీలోకి కాంగ్రెస్ వాళ్ళు కాకుండా తెలుగుదేశం పార్టీ నాయకులు చేరడానికి ఆసక్తి చూపిస్తుండడం నారా చంద్రబాబు నాయుడికి, ఆయన గట్టి సహచరులైన ఎనమల రామకృష్ణుడు, ఎర్రంనాయుడు వంటి వారికి గుండెల్లో దడపుట్టిస్తోంది. ఎనమల రామకృష్ణుడి వల్ల యావత్ యాదవ కులం తనవైపు ఉంటుందని చంద్రబాబు నాయుడు అనుకోవడం పెద్ద పొరపాటు. తూర్పు గోదావరి జిల్లా తుని నియోజకవర్గం నుంచిగత అసెంబ్లీ ఎన్నికల్లో చావు తప్పి కన్ను లొట్టబోయినట్టు గెలిచిన చరిత్ర రామకృష్ణుడిది.

యాదవ కులం నుంచి ఎనమల, కాపు కులం ఉమ్మారెడ్డి వెంకటేశ్వర్లు వంటి కొందరు ఉన్నారన్న అతి విశ్వాసం చంద్రబాబు నాయుడిలో ఉంది. కానీ అవన్నీ పెద్దగా వర్కవుట్ కావన్న విషయం తెలుగుదేశం శిబిరంలో రహస్యంగా ప్రచారంలో ఉంది. ఈసారి చంద్రబాబు నాయుడి నాయకత్వంలోని తెలుగుదేశం పార్టీ మూడో స్ధానంలో ఉంటుందని కొందరు రాజకీయ పరిశీలకుల అంచనా.