అవినీతి చర్చలు, చిరంజీవికే లాభం

ముఖ్యమంత్రి వైఎస్ రాజశేఖర్ రెడ్డి, ప్రతిపక్ష నాయకుడు చంద్రబాబు నాయుడు ఒకరిపై ఒకరు అసెంబ్లీలో చేసుకుంటున్న అవినీతి ఆరోపణలు సామాన్య ప్రజల్లో జుగుప్స కలింగించే అవకాశం ఉంది. రాజకీయాల్లో ఎవరూ పరిశుద్ధులు కారని, ఎవరికి అందినంత వారు అక్రమంగా దండుకు తింటారని జనం ప్రగాఢంగా విశ్వసించడానికి ఇటువంటి ఆరోపణలు దోహదం చేస్తాయి.

చంద్రబాబు నాయుడు వెయ్యికోట్లు మింగితే, ముఖ్యమంత్రి రాజశేఖరరెడ్డి పదివేల కోట్లు తిన్నారని కాంగ్రెస్ ఎంపీ హరిరామ జోగయ్య విమర్శించడం విశేషం. కాంగ్రెస్, తెలుగుదేశం నాయకులు ఒకరి మీద ఒకరు విమర్శలు చేసుకోవడం చిరంజీవి పెట్టబోయే రాజకీయ పార్టీకి లాభిస్తుందని కాంగ్రెస్ సీనియర్ నాయకుడు గాదె వెంకట రెడ్డీ అభిప్రాయపడ్డారు.