మీడియా బట్టలూడతీస్తానంటున్న వర్మ

ఎప్పుడూ వివాదాలతో వార్తల్లో నిలిచే రామ్ గోపాల్ వర్మ ఈ సారి మీడియా పై ఆగ్రహాన్ని వ్యక్తం చేస్తున్నాడు. దిగజారిపోయిన మీడియాకు స్ట్రిప్ టీజింగ్ కి పెద్ద తేడాలేదంటూ ఆయన బ్లాగ్ లో పోస్ట్ చేసి తన అభిప్రాయాలని వెళ్ళబుచ్చాడు. ఇంతకాలంగా చూస్తూనే ఉన్నాం మీడియా తనకు తోచిన రీతిలో అందరినీ ఎక్స్ పోజ్ చేస్తోంది. ఇప్పుడు నా వంతు వచ్చింది. నేను దాని నిజ స్వరూపాన్ని ఎట్లా ఎక్స్ పోజ్ చేస్తానో చూడండి. నిజానికి మీడియాకి ,బ్రతుకు తెరువు కోసం బట్టలు విప్పతీసే స్ట్రిప్ టీజర్ కి పెద్ద తేడా ఏం లేదు.

నిజాల చెప్పి జనాల్ని జాగృతం చేసే స్ధితి నుండి మీడియా తనకు అనుకాలమైన విషయాలను హైలట్ చేయటం,పరవ్ కోసం,డబ్బు కోసం ప్రాకులాడంట ప్రారంభించింది. ఈ విషయాలపై సినిమా తీస్తాను. ఇప్పటికే దీనికి సంభందించిన నా సినిమా స్క్రిప్టు పూర్తయి పోయింది.షోలే సినిమా రీమేక్ గా వచ్చిన వర్మా కా ఆగ్ సినిమా ఫ్లాఫ్ అయినప్పుడు మీడియా ఆయన్ని పూర్తి స్ధాయిలో విమర్శించటం ఈ పనికి ప్రోత్సహిస్తూండవచ్చని విశ్లేషకులు అభిప్రాయపడుతున్నారు. ప్రస్తుతం వర్మ యండమూరి తులసీదళం ప్రేరణతో హిందీలో రూపొందించిన ఫూంక్ ప్రమోషన్ లో ఉన్నారు.