నాగార్జున 'చిరు' సందడి

చిరంజీవి రాజకీయరంగ ప్రవేశానికి తీవ్ర స్ధాయిలో ప్రచారానికి ఏర్పాట్లు జరుగుతున్న విషయం తెలిసిందే . అయితే ఈ పరిస్ధితుల్లో చిరంజీవి పార్టనర్ గా ఉన్న మా టీవీ ఎలా స్పందిస్తుందనే ప్రశ్న చాలా మందిలో మెదలుతోంది. ఎందుకంటే ఆ ఛానెల్లో నాగార్జున కూడా పార్టనర్ కావటం,చిరంజీవి గురించి ఇప్పటివరకూ ఆయన ఎలాంటి ప్రకటనలు,స్టేట్ మెంట్స్ ఇవ్వకపోవటం ఆలోచింప చేస్తోంది. అయితే దీనికి విరుద్ధంగా నాగార్జున పావులు కదపనున్నారని అంతర్గత వర్గీయుల సమాచారం. తమ ఉమ్మడి ఛానెల్ ద్వారా చిరంజీవికి పూర్తి స్ధాయిలో ప్రచారం అందించటానికి అన్ని రకాల ఏర్పాట్లు చేస్తున్నారని విశ్వసనీయంగా తెలుస్తోంది.

దీనికోసం ప్రత్యేకమైన క్రియేటివ్ టీమ్ ని ఏర్పాటు చేసారని,వారు ఇప్పటికే కొన్ని ప్రోగ్రాములు రూపొందించారని అనుకుంటున్నారు. వాటిని స్పెషల్ ఫీచర్స్ క్రింద ఛానెల్ లో ప్రసారం చేయటనానికి నిర్ణయించుకున్నారని చెప్తున్నారు. ఇక ఆ పోగ్రాములలో ముఖ్యంగా చిరంజీవి ప్రారంభం రోజులు ,కష్టపడి ఎదిగిన విధానం, విజయాలు అందించిన సినిమాలు చోటుచేసుకుంటాయి. అయితే ఇప్పటికే మిగతా ఛానెల్స్ లో ఈ తరహా కార్యక్రమాలకు శ్రీకారం చుట్టటం విశేషం. నాగ్ ప్రారంభించనున్న ఈ విన్నూత ప్రచారం చిరంజీవిని ఎంత వరకూ సంతృప్తి పరుస్తుంది...ఎంతమందిని ఆకట్టుకుంటుంది అనేది భవిష్యత్ తేల్చాల్సిన ప్రశ్న.