పరుచూరి బ్రదర్స్ చెరో పార్టీలో....

ఒకే కుటుంబంలోని వారు వివిధ పార్టీల్లో ఉండడమనే ధోరణి కొన్ని దశాబ్దాలుగా ఉన్నా, ఇప్పుడు బాగా బలపడింది. ఎన్టీఆర్ కుటుంబంలోని ఒక భాగం ఇప్పుడు కాంగ్రెస్ లో దగ్గుబాటి పురంధరేశ్వరి, వెంకటేశ్వరరావుల రూపంలో వెలుగుతోంది. మిగితా కుటుంబసభ్యులంతా తెలుగుదేశం పార్టీకి మద్దతు ఇస్తున్నారు. ఇలా ఒక కుటుంబంలోని వారు భిన్న పార్టీలలో ఉండడం ఆ కుటుంబ దీర్ఘకాలిక ప్రయోజనాలకు శ్రేయస్కరం.

ఇప్పుడు సినీ రచయితలు పరుచూరి బ్రదర్స్ వంతు వచ్చింది. ఇద్దరూ తెలుగుదేశం వారే. కానీ ఇటీవల పెద్ద పరుచూరి (వెంకటేశ్వరరావు) చిరంజీవి పార్టీలో కీలక పాత్ర వహిస్తున్నారు. స్క్రిప్టులు, సలహాలు ఇచ్చి చిరంజీవిని ప్రోత్సహిస్తున్నారు. చంద్రబాబు అధికారంలోకి వచ్చినా, చిరంజీవి ముఖ్యమంత్రి అయినా ఈ బ్రదర్స్ కు ఢోకా లేదన్న మాట. సరైన సమయంలో సరైన నిర్ణయాలు తీసుకోవడమంటే ఇదేనేమో.