'కంత్రి' తో టిడిపి ప్రచారం!?

ఇప్పుడందరి కళ్ళూ 'కంత్రి' మీదే. ఎక్కడ విన్నా ఆ విశేషాలే. అందులోను టి.డి.పి ని సపోర్టు చేస్తూ నేటి కాంగ్రెస్ ప్రభుత్వాన్ని విమర్శిస్తూ కొన్ని పొలిటికల్ డైలాగులు, సన్నివేశాలు సినిమాలో ఉన్నాయనే వార్త అభిమానులను మరీ ఊరిస్తోంది. అసలు సినిమా ప్రారంభం లోనే ఎన్టీఆర్ సైకిల్ తో కనపడి కొన్ని పార్టీకి ఊపు నిచ్చే డైలాగులు కొడతాడని రూమర్లు వినిపిస్తున్నాయి. అలాగే తన తాతగారైన ఎన్టీఆర్ గురించి ఆరాధన భావంతో మాట్లాడుతూ సైకిలుకి పూర్తి స్ధాయిలో తన అండదండలు ఉంటాయని చెపుతాడుట.

ఇవి నిజమైతే 'కంత్రి' ద్వారా తన వంతు సాయం తమ పార్టీకి చేస్తున్నాడన్నమాట. అయితే దీన్ని ఎన్టీఆర్ ఖండిస్తున్నాడు. "ప్రత్యేకంగా ఓ పార్టీ గురించో, మరొకరి గురించో ప్రస్తావించే రాజకీయ సంభాషణలు కంత్రీ లో లేవు. కథానుగుణంగా సామాజిక శ్రేయస్సు దృష్ట్యా కొన్ని మాటలున్నా వాటికి రాజకీయాలతో ముడిపెట్టలేం" అని అతను చెపుతున్నాడు. అతను ఖండించినా డైలాగులు అయితే ఉన్నాయని ఆ విషయాన్ని ముందే చెబితే ఇప్పట్నించే విమర్శలు మొదలవుతాయనే ఉద్దేశంతోటే ఎన్టీఆర్ అలా చెబుతున్నాడని పరిశ్రమ వర్గాలు అంటున్నాయి. వాస్తవం తేలాలంటే తొమ్మిదవ తేదీదాకా ఆగాలి.