సినిమాలు కావలెను!!

ధియోటర్స్ యజమానులు సినిమాలు కోసం వెతుకుతూండటం సహజం. అయితే ఇప్పుడు ప్రభుత్వ అధికారులు సినిమాలు వేటలో పడ్డారు. రాష్ట్ర సమాచార శాఖ వారు ప్రతీ మండలంలోని గ్రామపంచాయితీల్లో తమ వాహనాల ద్వారా ప్రభుత్వ కార్యక్రమాల ప్రచారం చేపట్టారు.అయితే ఈ లఘు చిత్రాలు ప్రదర్శించే ముందు జనాల్ని ఎట్రాక్ట్ చేయటానికి ఒక చిత్రాన్ని ప్రదర్శించటం ఆనవాయితీ. అయితే వారికో చిక్కొచ్చి పడింది.

ఇందు కోసం ఏ హీరో నటించిన చిత్రాల్ని ఎంపిక చేయాలన్నది పెద్ద సమస్యగా మారింది. చిన్నా పెద్దా హీరోలంతా ఏదో ఒక రాజకీయ పార్టీతో సంభందాలు పెట్టుకుని ప్రచారానికి రెడీ అవుతున్న వారే .ఇక చిరంజీవి,బాలకృష్ణ కుటుంబాలు రెండూ రాజకీయాల్లో పూర్తిగా మునిగిపోయాయి. ఇక మిగిలింది కృష్ణ,మహేష్ బాబు,రాజశేఖర్ అనుకుంటే వారూ కాంగ్రేస్ కి అనుకూలంగా మిగిలిపోయారు. దాంతో ఈ ఎంపిక వారికి పెద్ద సమస్యగా మారింది. వీటన్నటికీ పరిష్కారంగా వైయస్ రాజశేఖర్ రెడ్డి మూకీ సినిమా వస్తే కాసత సమస్య పరిష్కారమవుతుందని భావిస్తున్నారుట.